پرەزيدەنتتىڭ كوروناۆيرۋسقا تاپسىرعان تەست سىنامالارى تەرىس ناتيجە كورسەتتى
وسىعان وراي، قاسىم-جومارت كەمەل ۇلىنىڭ دەنساۋلىعى جاقسى ەكەنىن حابارلايمىن، دەپ جازدى ق ر پرەزيدەنتىنىڭ باسپا ءسوز حاتشىسى بەرىك ءۋالي Facebook پاراقشاسىندا.
«سوڭعى كەزدەردەگى ەپيدەميولوگيالىق جاعدايدىڭ ءورشي تۇسۋىنە بايلانىستى، ول كۇندەلىكتى كوروناۆيرۋسقا تەست تاپسىرىپ جاتىر. تاپسىرىلعان بارلىق تەست سىناماسى تەرىس ناتيجە كورسەتتى. مەملەكەت باسشىسى ءوزىنىڭ قىزمەت ورنىندا بەلگىلەنگەن جۇمىس كەستەسىنە سايكەس، مەملەكەتتىك ورگاندار مەن ۆەدومستۆولاردىڭ باسشىلارىمەن جانە قوعامدىق ۇيىمداردىڭ وكىلدەرىمەن ونلاين- كەزدەسۋلەر وتكىزۋدە».
سونداي-اق بەرىك ءۋاليدىڭ حابارلاۋىنشا، قازاقستان پرەزيدەنتى تۆيت ارقىلى ەلباسى نۇرسۇلتان ءابىش ۇلى نازاربايەۆتىڭ تەزىرەك ساۋىعىپ كەتۋىن تىلەپ، تۇڭعىش پرەزيدەنتتىڭ وزىنە ءتان مىقتى رۋحىنىڭ ارقاسىندا، بۇل سىناقتى دا جەڭىل ەڭسەرەتىنىنە سەنىم بىلدىرگەن.
