كوراناۆيرۋس: مامان قاتاڭ ديەتادان تارتىنۋعا كەڭەس بەردى

نۇر- سۇلتان. قازاقپارات - نۇر- سۇلتان قالالىق قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا كوروناۆيرۋس ينفەكسياسىن جۇقتىرعان ادامدار ءبىرىنشى كەزەكتە نە ىستەۋ كەرەكتىگىن ءتۇسىندىردى، دەپ حابارلايدى قازاقپارات ءتىلشىسى.

ونلاين باسپا ءسوز ءماسليحاتىندا «ديەتا ۇستانۋ - كوروناۆيرۋس ينفەكسياسىنا بايلانىستى يممۋنيتەتتى السىرەتۋى مۇمكىن بە؟» دەگەن سۇراق قويىلدى. «كوروناۆيرۋس ينفەكسياسىنا بايلانىستى جاعدايدىڭ كۇردەلى ەكەنىن ەسكەرىپ، بۇل كەزەڭدە ءومىردىڭ قالىپتى رەجيمى مەن ىرعاعىن ۇستانعان ءجون»، - دەدى س. قيسىقوۆا ورتالىق كوممۋنيكاتسيالار قىزمەتىندە.

وسى ورايدا ول تاماقتانۋدىڭ قالىپتى رەجيمىن ساقتاۋعا كەڭەس بەردى. «تاماق تانۋ ءتارتىبىن كۇرت تومەندەتۋگە بولمايدى. كالورياسى تومەن تاعامدار بار، ياعني ونى ادامدار وزدەرى تاڭداۋى كەرەك. ارينە، ادامدار قانداي ديەتا كەرەكتىگىن وزدەرى بىلەدى. الايدا، ءبىز اشىعۋعا كەڭەس بەرمەيمىز»، - دەدى ساۋلە قيسىقوۆا.

اۆتور: رۋسلان عابباسوۆ