بەيجىڭ اۋەجايىندا حالىقارالىق رەيستەر كەيىنگە شەگەرىلدى

نۇر-سۇلتان. قازاقپارات - بەيجىڭدەگى حالىقارالىق شوۋدۋ جانە داسان اۋەجايلارى كوروناۆيرۋس ىندەتىنىڭ قايتا ورشۋىنە بايلانىستى 900 دەن استام سىرتقى رەيستى كەيىنگە شەگەردى، دەپ حابارلايدى Tengrinews.kz ءتىلشىسى.

وسىعان دەيىن قىتاي استاناسىنداعى «سينفادي» بازارىندا COVID-19 ۆيرۋسى تابىلىپ، بەيجىڭنەن شىعۋ شەكتەلدى.

سەيسەنبى كۇنى كەشكە، ەل استاناسىندا قالا بيلىگىنىڭ شەشىمى بويىنشا دەنساۋلىق ساقتاۋ سالاسىنداعى توتەنشە جاعدايلاردى رەتتەۋ دەڭگەيىن ۇشىنشىدەن ەكىنشىگە كوتەردى.

11- ماۋسىمنان باستاپ بەيجىڭدە كوروناۆيرۋس جۇقتىرۋدىڭ 106 دەرەگى تىركەلدى.