جاڭبىر-بۇرشاق، جەل، تۇمان - سارسەنبىگە ارنالعان اۋا رايى

نۇر-سۇلتان. قازاقپارات - سارسەنبى كۇنى ەلىمىزدە نايزاعايلى جاڭبىر جاۋىپ، جەل كۇشەيەدى، تۇمان ءتۇسۋى مۇمكىن، دەپ حابارلايدى قازاقپارات قازگيدرومەتكە سىلتەمە جاساپ.

17 - ماۋسىمدا قازاقستاننىڭ باسىم بولىگىندە فرونتالدى بولىكتەردىڭ وتۋىنە بايلانىستى، قۇبىلمالى اۋا رايى ساقتالادى، كەي جەرلەردە نايزاعايلى جاڭبىر جاۋادى. كەي جەرلەردە جەل كۇشەيىپ، وڭتۇستىك-باتىستا شاڭدى داۋىل سوعادى، سولتۇستىكتە تۇمان ءتۇسۋى مۇمكىن.

ورتالىقتا، سولتۇستىكتە جانە شىعىستا بۇرشاق جاۋۋى ىقتيمال.

اقمولا، شىعىس قازاقستان، قاراعاندى وبلىستارىنىڭ كەي جەرلەرىندە جەلدىڭ جىلدامدىعى 15-20 م/س جەتەدى، بۇرشاق جاۋادى.

الماتى، تۇركىستان، پاۆلودار وبلىستارىندا، كۇندىز جامبىل، قوستاناي وبلىستارىنىڭ كەي جەرلەرىندە جەل 15-20 م/س كۇشەيەدى.

سولتۇستىك قازاقستان وبلىسىندا تۇندە جانە تاڭەرتەڭ تۇمان كۇتىلەدى، كۇندىز جەل 15-20 م/س كۇشەيەدى.

ماڭعىستاۋ وبلىسىنىڭ كەي جەرلەرىندە جەلدىڭ جىلدامدىعى 15-20 م/س جەتىپ، شاڭدى داۋىل سوعۋى مۇمكىن.

اتىراۋ وبلىسىندا، ماڭعىستاۋ وبلىسىنىڭ وڭتۇستىگىندە قاتتى ىستىق ساقتالادى.

اتىراۋ، قىزىلوردا وبلىستارىندا، قاراعاندى، اقتوبە، اقمولا، تۇركىستان، جامبىل وبلىستارىنىڭ باسىم بولىگىندە، پاۆلودار، الماتى، قوستاناي وبلىستارىنىڭ كەي جەرلەرىندە، باتىس قازاقستان، سولتۇستىك قازاقستان وبلىستارىنىڭ وڭتۇستىگىندە وتە جوعارى ءورت قاۋىپى ساقتالادى.