كوروناۆيرۋس جۇقتىرعانداردىڭ سانى نەلىكتەن ءوسىپ بارادى - ۆيتسە- ءمينيستردىڭ جاۋابى

نۇر- سۇلتان. قازاقپارات - دەنساۋلىق ساقتاۋ ۆيتسە- ءمينيسترى ءلاززات اقتايەۆا قازاقستاندا كوروناۆيرۋس ينفەكسياسىن جۇقتىرعانداردىڭ سانى نەلىكتەن ارتىپ بارا جاتقانىن ءتۇسىندىردى، دەپ حابارلايدى قازاقپارات ءتىلشىسى.

«ناۋقاستاردىڭ سانىنىڭ ءوسىپ بارا جاتقان سەبەبى - الەۋمەتتىك، ەڭبەك قاتىناستارى بويىنشا، وتباسىلىق بايلانىستىڭ، قارىم- قاتىناستىڭ ارتۋىندا جاتىر. سەبەبى جۇقتىرۋ جاعدايلارىنىڭ سيپاتى ۇقساس: نە ەڭبەك ۇجىمدارىندا، نە وتباسىنىڭ ءوز ىشىنەن شىعۋدا. وكىنىشكە قاراي، ادىن الۋ شارالارىن ساقتاماۋدىڭ سالدارىن كورىپ وتىرمىز. ادامدار ماسكا تاقپايدى، الەۋمەتتىك قاشىقتىقتى ساقتامايدى. سونىمەن بىرگە، ءوز جۇمىسىن باستاپ كەتكەن نىسانداردا سانيتارلىق- دەزينفەكسيالىق رەجيم لايىقتى دارەجەدە ساقتالمايدى»، - دەدى ءلاززات اقتايەۆا دەنساۋلىق ساقتاۋ مينيسترلىگىنىڭ «مينيسترلىك حابارلايدى» ايدارى بويىنشا Facebook-تەن سويلەگەن سوزىندە.

ۆيتسە- ءمينيستردىڭ ايتۋىنشا، قازىرگى تاڭدا ستاتسيونارلاردا كوروناۆيرۋس جۇقتىرعان 5795 پاتسيەنت بار. ونىڭ 119-ى جان ساقتاۋ بولىمىندە جاتىر.

اۆتور: ايان بەكەن ۇلى