قورعاس حالىقارالىق ورتالىعىندا «بيزنەس تەرمينالى» پايدا بولادى

الماتى. قازاقپارات - قورعاس شەكارا ماڭى ىنتىماقتاستىعى حالىقارالىق ورتالىعىندا ق ر سىرتقى ىستەر ءمينيسترىنىڭ ورىنباسارى الماس ايداروۆ، ق ر قارجى ءمينيسترىنىڭ ورىنباسارى رۋسلان ەڭسەبايەۆ، ق ر مادەنيەت جانە سپورت ءمينيسترىنىڭ ورىنباسارى وركەن بيساقايەۆ،

«Kazakh Invest» ۇ ك» ا ق باسقارما ءتوراعاسى باۋىرجان سارتبايەۆ جانە الماتى وبلىسى اكىمىنىڭ ورىنباسارى سەرىك تۇرداليەۆ، سونداي- اق مەملەكەتتىك ورگاندار، قاۋىمداستىقتار وكىلدەرىنىڭ قاتىسۋىمەن ۆەدومستۆوارالىق كەڭەستىڭ كەڭەيتىلگەن جينالىسى ءوتتى، دەپ حابارلايدى قازاقپارات ءتىلشىسى.

جيىن ارنايى ەكونوميكالىق ايماق اۋماعىنداعى وبەكتىلەردىڭ جۇمىسى، ينفراقۇرىلىمىنىڭ جاعدايىمەن تانىسۋ، تەرمينالداردىڭ كەلۋشىلەر مەن تۋريستەردى قابىلداۋعا دايىندىعىن تەكسەرۋ ماقساتىندا ۇيىمداستىرىلدى. كارانتين كەزەڭىندە جۇرگىزىلگەن جوندەۋ جۇمىستارىنان بولەك، قوناقتاردىڭ نازارىنا شەكارا ماڭى ىنتىماقتاستىعى حالىقارالىق ورتالىعىندا كەلۋشىلەرگە قوسىمشا قولايلى جاعداي جاساۋ ماقساتىندا ەنگىزىلىپ جاتقان جاڭاشىلدىقتار تانىستىرىلدى.

سولاردىڭ ىشىندە بيلەت راسىمدەۋ مەن باگاجدى بەرۋدىڭ ەلەكتروندى فورماتىن، سونداي- اق پايدالانۋعا بەرىلمەك «بيزنەس تەرمينالدى» اتاپ وتكەن ءجون. «بيزنەس- تەرمينال» ارقىلى كەلۋشىلەرگە پاسپورتتىق جانە كەدەندىك باقىلاۋدى جالپىعا بەلگىلەنگەن رەجيمدە وتۋگە نەمەسە قولايلى جاعدايدا جەدەل تارتىپتە ءوتۋ بويىنشا تاڭداۋ بەرىلەدى. اۋماقتى ارالاۋ اياقتالعان سوڭ ۆەدومستۆوارالىق كەڭەستىڭ كەڭەيتىلگەن وتىرىسى ءوتتى.

«قورعاس» شەكارا ماڭى ىنتىماقتاستىعى حالىقارالىق ورتالىعىن قۇرعاننان باستاپ، ۇلكەن جۇمىس اتقارىلدى، دەگەنمەن ءالى دە تالاي شارۋا بار. بۇگىن بار ماسەلەلەر مەن مىندەتتەردى ايقىنداۋ، سونداي- اق بىرلەسكەن ماقۇلدانعان ءىس- ارەكەتتەرگە كەلۋ ءۇشىن جينالدىق»، - دەدى «قورعاس» ش ى ح و باسقارما ءتوراعاسى دىنمۇحامەد ءابساتتاروۆ.

ارى قاراي جيىن بارىسىندا قاتىسۋشىلارعا «قورعاس» ش ى ح و» ا ە ا دامۋ ستراتەگياسى تانىستىرىلدى. سونىمەن قاتار بايانداماشىلار «قورعاس» ش ى ح و» ا ە ا ينفراقۇرىلىمى بويىنشا اعىمداعى جاعدايى جانە تەحنيكالىق جابدىقتالۋى تۋرالى حابارلادى. سپيكەردىڭ مالىمەتىنشە، ستراتەگيا ءبىرىنشى كەزەكتە تۋريستىك جانە ينۆەستيتسيالىق احۋالدى جاقسارتۋعا باعىتتالعان، بۇل جايت قىزمەت جانە تاۋارلار ەكسپورتىن دامىتۋعا مۋلتيپليكاتيۆتى اسەر بەرەدى.

ەكىنشى كەزەكتە ستراتەگيا «قورعاس» ش ى ح و» ا ق- تىڭ كليەنتكە باعدارلانعان كومپانيا رەتىندەگى قالىپتاسۋىنا ءمان بەرىلگەن، ۇشىنشىدەن ينجەنەرلىك ينفراقۇرىلىمعا ەكپىن جاسالعان. جيىنعا قاتىسۋشىلار، ءوز كەزەگىندە، اتقارىلىپ جاتقان جۇمىستىڭ ماڭىزىن ايتىپ، ەنگىزىلىپ جاتقان جاڭاشىلدىقتاردىڭ وزەكتىلىگىن اتاپ ءوتتى.

وتىرىس قورىتىندىسى بويىنشا دىنمۇحامەد ءابساتتاروۆ «قورعاس» شەكارا ماڭى ىنتىماقتاستىعى حالىقارالىق ورتالىعىندا قۇرىلعان قولايلى جاعدايلار ونىڭ ارى قارايعى كەڭەيۋىنە جاسالعان باستاپقى بازا ەكەنىن، ورتالىق باسشىلىعى جۇمىستى ارى قاراي جالعاستىراتىنىن ايتتى.

«بارلىق ارىپتەستەرىمە العىس ءبىلدىرىپ، مىندەتتەردىڭ ءبىر بولىگى ىسكە اسىپ جاتقانىن ايتقىم كەلەدى. ءبىز ينۆەستيتسيالاردى قالاي تارتۋعا بولاتىنىن كەشەندى كورىپ وتىرمىز، ەلشىلىكتەر، ساۋدا وكىلدەرىمەن بىرلەسىپ جۇمىس ىستەپ، كومەك بەرۋدەمىز. وتاندىق دامۋ ينستيتۋتتارىمەن كەلىسىمشارتتار جاساۋ جوسپاردا. اركىمنىڭ جەكە سەگمەنتى بار، ولار سەرىكتەستەردى جانە سايكەسىنشە ينۆەستورداردى تارتا الادى»، - دەپ اتاپ ءوتتى «قورعاس» ش ى ح و باسقارما ءتوراعاسى.

ايتا كەتەيىك، بۇگىندە ينۆەستيتسيالىق جوبالارعا 112,73 گەكتار بولىنگەن، قولداعى بوس اۋدان - 22,56 گەكتاردى قۇرايدى. بۇدان بولەك، دىنمۇحامەد ءابساتتاروۆ قورعاس الاڭىن شانحاي ىنتىماقتاستىق ۇيىمى سىندى رەسپۋبليكالىق جانە حالىقارالىق فورماتتاعى ءىس- شارالاردى وتكىزۋگە پايدالانۋدى ۇسىندى.

اۆتور: الما مۇقانوۆا