ۆاكسينالاۋ - ينفەكسينالىق اۋرۋلاردان قورعانۋدىڭ ءتيىمدى ءادىسى - دەنساۋلىق ساقتاۋ ۆيتسە-ءمينيسترى
بۇل تۋرالى دەنساۋلىق ساقتاۋ ۆيتسە-ءمينيسترى ليۋدميلا بيۋرابەكوۆا ءمالىم ەتتى، دەپ حابارلايدى قازاقپارات ءتىلشىسى.
«سوڭعى كەزدەرى ۆاكسيناتسيا ماسەلەسى الەۋمەتتىك جەلىلەردە بەلسەندى تالقىلاۋدان ءوتىپ جاتىر. مينيسترلىك الاڭىندا وسى باعىتتا بىرنەشە مارتە ونلاين تالقىلاۋ وتكىزىپ، ەكپە جاساۋ ماڭىزدىلىعىن تۇسىندىردىك. بۇل شارالارعا ساراپشىلار، پارلامەنت دەپۋتاتتارى، دارىگەرلەر مەن تانىمال جۋرناليستەر قاتىستى. بۇگىنگى تالقىلاۋ بارىسىندا اتا-انالاردى تولعاندىرعان بارلىق سۇراقتارعا جاۋاپ بەرەمىز دەپ ويلايمىن»، - دەدى ل. بيۋرابەكوۆا قازاقستانداعى مىندەتتى ەكپە ماسەلەسىن تالقىلاۋعا ارنالعان ونلاين كونفەرەنسيادا.
سونىمەن قاتار ول ستاتيستيكالىق مالىمەتتەرگە توقتالدى.
«ۆاكسينالاۋ ينفەكسينالىق اۋرۋلاردان قورعانۋدىڭ ءتيىمدى ءادىسى بولىپ وتىر. دۇنيەجۇزىلىك دەنساۋلىق ساقتاۋ ۇيىمى مالىمەتىنشە، ەكپە جاساۋ جىل سايىن 3 ميلليوننان ادامنىڭ ءومىرىن قورعايدى»، - دەدى ليۋدميلا بيۋرابەكوۆا.
