توكيو وليمپياداسى قاشان وتەتىنى تۋرالى جوسپار جاسالدى
بۇل تۋرالى قازاقپارات Japan Times-قا سىلتەمە جاساپ حابارلايدى.
ەسكە سالا كەتەيىك، بيىلعى جىلدىڭ ناۋرىز ايىندا جاپونيا ۇكىمەتى مەن حالىقارالىق وليمپيادا كوميتەتى كەلەسى ايدا ءوتۋى ءتيىس بولعان وليمپيادا ويىندارىن 2021 -جىلعا شەگەرۋ تۋرالى بۇرىن- سوڭدى بولماعان شەشىم قابىلدادى.
Nikkan Sports جاپون گازەتىنىڭ حابارلاۋىنشا، ح و ك پرەزيدەنتى توماس باح كەلەسى جىلى جارىس وتپەسە، وليمپيادا ويىندارىن توقتاتۋ كەرەك ەكەنىن ايتقان.
ءبىراق تاكاحاسي بۇل جاپونيا مەن الەم ەكونوميكاسىنا ۇلكەن شىعىن كەلگەنىن حابارلادى. «جاپونيا مەن الەم ەكونوميكاسى ودان قاتتى زارداپ شەگەدى»، - دەدى تاكاحاسي.
ول ويىندى توقتاتپاس بۇرىن تاعى دا كەيىنگە شەگەرۋ ماسەلەسىن قاراستىرۋ قاجەت ەكەنىن ايتتى. جۇما كۇنى ۇيىمداستىرۋ كوميتەتىنىڭ اتقارۋشى كەڭەسىنىڭ وتىرىسىندا توكيو 2020 پرەزيدەنتى ەسيرو موري ح و ك- مەن وليمپيادا ويىندارىن وتكىزبەۋ تۋرالى ماسەلە تالقىلانباعانىن مالىمدەدى.
بەيجىڭدە قىسقى وليمپيادا ويىندارىن جانە فۋتبولدان 2020 -جىلى الەم چەمپيوناتىن وتكىزۋگە بايلانىستى توكيو ويىندارىنىڭ ودان ءارى كەيىنگە قالۋى بۇكىل الەمدىك سپورتتىق ءىس-شارالاردىڭ كوپتىگىنەن ودان دا ۇلكەن ماسەلەلەر تۋدىرادى.
ەسكە سالا كەتەيىك، توكيوداعى وليمپيادا 2020 -جىلدىڭ 24-شىلدەسىنەن 9-تامىزىنا دەيىن ءوتۋى ءتيىس بولعان.
الايدا پاندەمياعا بايلانىستى جارىس كەلەسى جىلعا اۋىستىرىلدى. 2021 -جىلدىڭ 23-شىلدەسىنەن 8-تامىزىنا دەيىن وتپەك. «توكيو-2020» دەگەن اتاۋ ساقتالىپ قالادى.
