كوروناۆيرۋس قاۋپى: مينيستر ماعزۇم مىرزاعاليەۆ وقشاۋلاندى

نۇر-سۇلتان. قازاقپارات – ق ر ەكولوگيا، گەولوگيا جانە تابيعي رەسۋستار ءمينيسترى ماعزۇم مىرزاعاليەۆ كوروناۆيرۋس قاۋپىنە بايلانىستى وقشاۋلاندى، دەپ حابارلايدى قازاقپارات ءتىلشىسى.

«ماعزۇم مارات ۇلى وتكەن جۇما كۇنى دەنساۋلىق ساقتاۋ مينيسترىمەن بىرگە ۇشىپ كەلدى. سوندىقتان بايلانىستا بولعان تۇلعا رەتىندە وقشاۋلاندى. مينيستر تەست تاپسىردى، ناتيجەسى تەرىس. اپتا سوڭىندا تاعى تاپسىراتىن بولادى. دەگەنمەن، ول بارلىق جۇمىس جينالىستارىن، كەلىسسوزدەردى ونلاين رەجىمدە وتكىزىپ جاتىر»، - دەدى ءمينيستردىڭ باسپا ءسوز حاتشىسى سامال يبرايەۆا.

ەسكە سالساق، دەنساۋلىق ساقتاۋ ءمينيسترى ەلجان ءبىرتانوۆ Facebook پاراقشاسىندا كوروناۆيرۋس جۇقتىرعانىن حابارلاعان ەدى. 12-ماۋسىمدا ق ر پرەمەر-ءمينيسترى اسقار مامين جامبىل وبلىسىنا جۇمىس ساپارىمەن بارىپ قايتتى، وندا دەنساۋلىق ساقتاۋ ءمينيسترى ە. ءبىرتانوۆ تا بولعان.

وسىعان بايلانىستى ۇكىمەت باسشىسى دا وقشاۋلانۋعا ءماجبۇر بولىپ وتىر. ارىپتەستەرىمەن بىرگە اسحات ايماعامبەتوۆ پەن اۋىل شارۋاشىلىعى ءمينيسترى ساپارحان وماروۆ وقشاۋلاندى.