تۇركىستان وبلىسىندا ەگىن ورۋ ناۋقانى باستالدى

تۇركىستان. قازاقپارات . تۇركىستان وبلىسىندا كەلەس اۋدانىنداعى «وشاقتى» وندىرىستىك كووپەراتيۆى بيىلعى جىلى 150 گەكتارعا بيداي استىق ورۋدى باستاپ كەتتى. وندىرىلگەن ءونىمدى بىرلىك اۋىلىنداعى قويماعا جايعاستىرۋدا، دەپ حابارلايدى قازاقپارات وڭىرلىك كوممۋنيكاتسيالار قىزمەتىنە سىلتەمە جاساپ.

«وشاقتى» وندىرىستىك كووپەراتيۆى 1997 -جىلى قۇرىلعان. قۇرامىندا ەگىن شارۋاشىلىعىنان باسقا مال بورداقىلاۋ پۋنكتتەرى بار ءىرى كاسىپورىندا جەرگىلىكتى 90-عا جۋىق تۇرعىن تۇراقتى جۇمىسپەن قامتىلعان. كوكتەمدە جاۋىن- شاشىن كوپ بولماعانىنا قاراماستان شارۋانىڭ ءونىمى بىتىك شىققان. مۇنى كووپەراتيۆ يەسى ماحانبەت قوجاعۇلوۆ جەردىڭ قۇنارلىعىنا بالاپ وتىر.

سونداي- اق، شارۋاشىلىقتا جەر جىرتۋ، تۇقىم سەبۋ جانە جەردى وڭدەۋ سەكىلدى جۇمىستار ۋاقىتىندا قولعا الىنعان. سونىڭ ارقاسىندا قازىر قىرمانعا مول استىق تاسىلىپ جاتىر. اگروتەحنيكالىق تالاپتاردى تياناقتى اتقارعان ءىرى شارۋاشىلىقتار ءقازىر ەگىستىكتىڭ ءار گەكتارىنان 30-35 سەنتنەرگە دەيىن ءونىم جيناۋدا.