بلوكپوستاعى جول اپاتى: جاراقات العان پوليتسەي اۋرۋحانادان شىعادى
«قازىر ناۋقاستىڭ جاعدايى جاقسى. ەسىن جيعان. جان-جاعىن باعدارلاي الادى. نەۆرولوگيالىق سيمپتوماتيكا تومەندەدى. استەنوۆەگەتاتيۆتى سيندروم ازداپ ساقتالعان. بۇگىن اۋرۋحانادان شىعادى»، - دەدى قالالىق قوعامدىق دەنساۋلىق ساقتاۋ باسقارماسىنىڭ باسپا ءسوز قىزمەتىنەن. ەسكە سالايىق، 25-مامىر تاڭعى ساعات 05:26-دا BMW ماركالى كولىكتىڭ 28 جاستاعى جۇرگىزۋشىسى ماس كۇيىندە بلوكپوستاعى پوليتسيا كولىگىنە سوعىلدى.
سالدارىنان ەكى پوليتسيا قىزمەتكەرى كوز جۇمدى. ال زارداپ شەككەن ءۇشىنشى پوليتسەي جاقىندا اۋرۋحانادا ەسىن جيدى. كەيىن ق ر ىشكى ىستەر ءمينيسترى ەرلان تۇرعىمبايەۆ قىلمىستىق ءىستىڭ ءمان- جايىن تەرگەۋدى ىشكى ىستەر مينيسترلىگى وزىنە العانىن ءمالىم ەتتى.
جاقىندا پوليتسيا دەپارتامەنتى كۇدىكتى تۋرالى ماعلۇمات تاراتقان بولاتىن. ولاردىڭ مالىمدەۋىنشە، كۇدىكتى قىلمىس بولاردان 4 كۇن بۇرىن قىزمەتىنەن بوساتىلعان.
