كوروناۆيرۋس جۇقتىرعانىڭىز راستالسا نە ىستەۋ كەرەك - ماماندار كەڭەسى
مۇنداي جاعدايعا نۇر- سۇلتان قالاسىنىڭ قوعامدىق دەنساۋلىق ساقتاۋ باسقارماسى ەڭ الدىمەن سابىر ساقتاپ، تومەندە كەلتىرىلگەن كەڭەستەرگە قۇلاق اسۋعا شاقىرادى، دەپ حابارلايدى قازاقپارات ءتىلشىسى.
ەڭ ءبىرىنشى كەزەكتە ۇيدەن شىقپاعان ابزال. تەست قورىتىندىسى بويىنشا كوروناۆيرۋس جۇقتىرعانىڭىز راستالسا اۋماقتىق اۋرۋحاناعا، ۋچاسكەلىك دارىگەرگە قوڭىراۋ شالىپ، تەست ناتيجەسى تۋرالى حابارلاۋ كەرەك.
اۋرۋحانا دارىگەرى تەست ناتيجەسىنە قاراي سيمپتومتاردىڭ بولۋ-بولماۋىنا بايلانىستى مەديتسينالىق باقىلاۋ نەمەسە اۋرۋحاناعا جاتقىزۋ قاجەتتىگىن ايقىندايدى. اۋرۋ بەلگىلەرى جوق بولسا پاتسيەنت ۇيىندە قالىپ، دارىگەردىڭ قاشىقتان باقىلاۋىندا بولادى. بۇل الگوريتم قالاداعى مەديتسينالىق ۇيىمداردىڭ رەسۋرسىن ءتيىمدى پايدالانىپ، سىزگە ۋاقتىلى مەديتسينالىق كومەك بەرۋگە مۇمكىندىك بەرەدى. ەلوردادا ك ۆ ي-دىڭ تارالۋىنا جول بەرمەۋ ءۇشىن ءبىرقاتار شارا قابىلدانىپ جاتىر. كەيىنگى اپتادا ج ر ۆ ي مەن پنەۆمانيا بەلگىسىمەن جۇگىنەتىن ادامداردىڭ كوبەيۋىنە بايلانىستى قالانىڭ مەديتسينالىق ۇيىمدارىنىڭ بازاسىندا 400 توسەك ورىنى جاساقتالعان.
ول ورىنداردا: - كەۋدە كلەتكالارىنىڭ اعزاسى زەرتتەلىپ، كوروناۆيرۋس ينفەكسياسى بويىنشا اناليز الىنادى؛ - اۋىر دارەجەدەگى ج ر ۆ ي نەمەسە پنيەۆمونيا انىقتالعان جاعدايدا ناۋقاستار پروۆيزورلىق ستاتسيونارعا جاتقىزىلىپ، سوندا ەم الادى. – ك ۆ ي راستالعان جاعدايدا ولار ينفەكسيالىق ستاتسيونارعا اۋىستىرىلادى؛ - اۋرۋدى جەڭىل كوتەرەتىن جانە پاتولوگيا بەلگىسى جوق ادامدار «ۇيدەگى ستاتسيونارعا» اۋىستىرىلادى.
ولاردى اۋماقتىق اۋرۋحانالارداعى دارىگەرلەر باقىلاپ، ەمدەيدى؛ سونىمەن قاتار قالاداعى ەكى كوپبەيىندى ستاتسيوناردا ينفاركت، ينسۋلت، قانت ديابەتى، حيرۋرگيالىق اۋرۋلارعا جانە ك ۆ ي كۇدىگىنە بايلانىستى 100 توسەك ورىن ازىرلەنگەن. ال ينفەكسيالىق اۋرۋحانالاردا اياعى اۋىر ايەلدەرگە ارنالعان توسەك ورىندار دايارلانعان.
