اقتاۋدا بالالاردى قىدىرتاتىن ات تالىپ ءتۇستى

نۇر-سۇلتان. قازاقپارات - اقتاۋدا بالالاردى قىدىرتاتىن ات تالىپ ءتۇستى، - دەپ حابارلايدى Lada.kz.

كۋاگەرلەردىڭ ايتۋىنشا، ات كۇن قاتتى ىستىق بولعاندىقتان تالىپ تۇسكەن.

«ات تاۋلىك بويى بالالاردى قىدىرتادى، سوڭىندا ءوزى تالىپ ءتۇستى. بارلىعى كوز الدىمدا بولدى. ول تالىپ ءتۇسىپ، ەش قيمىلداماي جاتتى»، - دەيدى جەرگىلىكتى تۇرعىنداردىڭ ءبىرى الپامىس.

ونىڭ ايتۋىنشا، ات تەك 40 مينۋتتان سوڭ ەسىن جيدى.

باسىلىمنىڭ مالىمەتىنشە، وقيعا ورنىنا پوليتسەيلەر كەلگەن. ال سول ماڭدا دەمالۋشىلاردىڭ ايتۋىنشا، ول ات بالالاردى كۇندەلىكتى ساعات 19.00-دەن تۇنگى ۋاقىتقا دەيىن قىدىرتادى.