قازاقستاننىڭ بوكستان ۇلتتىق قۇراماسىنىڭ بۇرىنعى باس باپكەرى ومىردەن وزدى

نۇر-سۇلتان. قازاقپارات - قازاقستاننىڭ ارداگەر سپورتشىسى سەرىك ابدەنالى ۇلى ابدەناليەۆ ومىردەن وزدى.

بۇل جايىندا ق ر بوكس فەدەراتسياسىنان ءمالىم ەتتى، دەپ حابارلايدى قازاقپارات.

«ونىڭ ءومىرىنىڭ ۇلكەن بولىگى بوكسقا ارنالدى. سەرىك ابدەنالى ۇلى اتاقتى سپورتشى، بىرنەشە رەت ەل چەمپيونى بولدى. سونىمەن قاتار مەملەكەتتىك جاتتىقتىرۋشى رەتىندە دە ءوزىن تانىتا ءبىلدى. ونىڭ باسشىلىعىمەن بوكسشىلار اتلانتادا ءتورت وليمپيادا مەدالىن جەڭىپ الدى. ال سيدنەي وليمپياداسىندا بوكس جارىستارىندا تورەلىك ەتكەن ءبىرىنشى قازاقستاندىق رەتىندە تانىلدى. فەدەراتسيا سەرىك ابدەنالى ۇلىنىڭ تۋعان-تۋىستارى مەن جاقىندارىنا كوڭىل ايتادى»، - دەلىنگەن فەدەراتسيا سايتىندا جاريالانعان اقپاراتتا.