08:33, 15 - ماۋسىم 2020 | GMT +5
ق ر پرەمەر-ءمينيسترى وقشاۋلاندى، بەينەكونفەرەنتسيا رەجيمىندە جۇمىسىن جالعاستىرادى
نۇر-سۇلتان. قازاقپارات - ۇكىمەت باسشىسى اسقار مامين قازىرگى تاڭدا ءوزىن-ءوزى وقشاۋلاۋدا، دەپ حابارلايدى قازاقپارات.
بۇل تۋرالى ق ر پرەمەر-ءمينيسترى باسپا ءسوز قىزمەتىنىڭ جەتەكشىسى زارينا نۇرلانوۆا Facebook-تەگى پاراقشاسىندا جازدى.
«12- ماۋسىمدا ق ر پرەمەر-ءمينيسترى اسقار مامين جامبىل وبلىسىنا جۇمىس ساپارىمەن بارىپ قايتتى، وندا دەنساۋلىق ساقتاۋ ءمينيسترى ە. ءبىرتانوۆ تا بولدى. ە. ءبىرتانوۆتان COVID-19-عا الىنعان اناليزدە ۆيرۋستىڭ انىقتالۋىنا بايلانىستى، ق ر پرەمەر-ءمينيسترى تەست تاپسىردى، ونىڭ ناتيجەسى — تەرىس. ايتا كەتكەن ءجون، جۇمىس ساپارى بارىسىندا دەنساۋلىق ساقتاۋ ءمينيسترى رەسپيراتورلىق ماسكا كيىپ ءجۇردى. ۇكىمەت باسشىسى اسقار مامين قازىرگى تاڭدا ءوزىن-ءوزى وقشاۋلاۋدا، دەگەنمەن بەينەكونفەرەنتسيا بايلانىسى رەجيمىندە كەستەگە سايكەس جۇمىس ىستەۋدى جالعاستىرادى»، دەلىنگەن حابارلامادا.
