جەل، جاڭبىر، اپتاپ ىستىق - دۇيسەنبىگە ارنالعان اۋا رايى بولجامى

نۇر-سۇلتان. قازاقپارات - دۇيسەنبىدە ەلىمىزدە جاڭبىر جاۋىپ، جەل كۇشەيەدى. الايدا كەي وڭىرلەردە كۇن اشىق، ءارى اپتاپ ىستىق بولادى، دەپ حابارلايدى قازاقپارات قازگيدرومەتكە سىلتەمە جاساپ.

15 - ماۋسىمدا قازاقستاننىڭ باسىم بولىگىندە فرونتالدى بولىكتەردىڭ وتۋىنە بايلانىستى قۇبىلمالى اۋا رايى ساقتالادى، كەي جەرلەردە نايزاعاي جارقىلداپ، جاڭبىر جاۋادى. تەك ەلىمىزدىڭ وڭتۇستىگىندە، باتىسىندا جانە سولتۇستىك قازاقستان وبلىسىندا كۇن رايى اشىق بولادى.

كەي جەرلەردە جەل كۇشەيىپ، وڭتۇستىكتە جانە وڭتۇستىك-باتىستا شاڭدى داۋىل سوعادى، ورتالىقتا بۇرشاق جاۋۋى ىقتيمال.

تۇندە قىزىلوردا وبلىسىنىڭ كەي جەرلەرىندە، كۇندىز باسىم بولىگىندە جەل 15-20 م/س كۇشەيەدى، كۇندىز كەي جەرلەرىندە شاڭدى داۋىل سوعادى.

قاراعاندى، شىعىس قازاقستان، قوستاناي، كۇندىز تۇركىستان وبلىستارىنىڭ كەي جەرلەرىندە نايزاعاي، جەلدىڭ كۇشەيىپ، جىلدامدىعى 15-20 م/س جەتەدى، قاراعاندى وبلىسىندا بۇرشاق جاۋۋى ىقتيمال.

اقمولا، جامبىل وبلىستارىنىڭ كۇندىز كەي جەرلەرىندە جەل 15-20 م/س كۇشەيەدى، اقمولا وبلىسىندا نايزاعاي جارقىلدايدى.

ماڭعىستاۋ، اتىراۋ، اقتوبە وبلىستارىنىڭ كەي جەرلەرىندە جەل 15-20 م/س كۇشەيەدى، ماڭعىستاۋ وبلىسىندا شاڭدى داۋىل سوعۋى مۇمكىن.

الماتى، اتىراۋ وبلىستارىندا، قىزىلوردا، ماڭعىستاۋ، باتىس قازاقستان وبلىستارىنىڭ وڭتۇستىگىندە، شىعىس قازاقستان وبلىسىنىڭ باتىسىندا قاتتى ىستىق كۇتىلەدى.

اتىراۋ، قىزىلوردا، قاراعاندى وبلىستارىندا، اقتوبە، اقمولا، پاۆلودار، تۇركىستان، جامبىل وبلىستارىنىڭ باسىم بولىگىندە، باتىس قازاقستان، قوستاناي وبلىستارىنىڭ وڭتۇستىگىندە، الماتى وبلىسىنىڭ باتىسىندا وتە جوعارى ءورت قاۋىپى ساقتالادى.