بەيجىڭدەگى اۋداندا كوروناۆيرۋس انىقتالىپ، اسكەري جاعداي ەنگىزىلدى
ويتكەنى بۇعان دەيىن وسى ساۋدا ورنى جۇمىسكەرلەرىنەن قاۋىپتى ۆيرۋس انىقتالعان. بۇل تۋرالى قىتايدىڭ «گلوبال تايمس» باسىلىمى حابارلايدى.
جالپى سينفاديدىڭ اۋدانى 100 گەكتاردان اسادى. قازىر بازار ۋاقىتشا جابىق تۇر. ماماندار وندا جۇمىس ىستەيتىن 10 مىڭ ادامدى تەكسەرۋگە نيەتتى. ءازىر 500-دەن استامى تەست تاپسىرعان. سولاردىڭ 45- ءسىنىڭ كوروناۆيرۋس جۇقتىرعانى انىقتالدى. ءبىراق بارلىعىندا دا اۋرۋ ەش بەلگىسىز وتۋدە.
چۋ جيۋنۆەي، بەيجىڭ قالاسى فەنتاي اۋدانىنىڭ پارتيالىق كوميتەتى جەتەكشىسىنىڭ ورىنباسارى:
- سينفادي بازارى مەن ماڭايداعى 11 شاعىن اۋداندا كارانتين جاريالاندى. ساۋدا ورنىنىڭ ءوزى تاڭعى ۇشتەن بەرى جابىق تۇر. ماماندار قىزمەتكەرلەردى تەكسەرىپ جاتىر. ىندەت راستالعان ناۋقاستارمەن جاقىن قارىم- قاتىناستا بولعان 139 ادام دارىگەردىڭ باقىلاۋىندا. ال وسى ساعاتقا دەيىن بازاردىڭ 517 قىزمەتكەرى تەست تاپسىرىپ ۇلگەردى.
ايتا كەتكەن ءجون، بەيجىڭدە شامامەن 2 اي كوروناۆيرۋس جۇقتىرۋ دەرەكتەرى تىركەلمەگەن ەدى. بيلىك وسى دياگنوزبەن جاتقان بارلىق ناۋقاستىڭ اۋرۋحانادان ەمدەلىپ شىققانىن مالىمدەگەن.
نەگىزى مۇندا ءبىرىنشى، ەكىنشى جانە ءۇشىنشى سىنىپ وقۋشىلارىنىڭ ساباعى 15 - ماۋسىمدا باستالۋى ءتيىس ەدى. الايدا جاڭا دەرەكتەر كەسىرىنەن ونى كەيىنگە شەگەرۋگە تۋرا كەلدى. سونداي- اق وقىتۋ ورتالىقتارى دا ءازىر اشىلمايتىن بولدى. ودان بولەك، بەيجىڭدە سپورتتىق ءىس- شارالار وتكىزۋگە ۋاقىتشا تىيىم سالىندى.