جامبىل وبلىسىندا كوروناۆيرۋسقا قارسى ۆاكسينا شىعارىلادى - مامين زاۋىتتىڭ ىرگەتاسىن قالادى

None
None
قورداي. قازاقپارات – ق ر پرەمەر- ءمينيسترى اسقار مامين جامبىل وبلىسى قورداي اۋدانىنىڭ گۆاردەيسكي كەنتىندە ق ر ب ع م عىلىم كوميتەتىنىڭ بيولوگيالىق قاۋىپسىزدىك ماسەلەلەرى عىلىمي- زەرتتەۋ ينستيتۋتى (ع ز ي) جانىنداعى ۆاكسينا شىعاراتىن بيوفارماتسيەۆتيكالىق زاۋىتتىڭ قۇرىلىسىن باستاپ بەردى،

دەپ حابارلايدى قازاقپارات primeminister.kz سايتىنا سىلتەمە جاساپ.

زاۋىت ءتيىستى وندىرىستىك تاجىريبەنىڭ (GMP) حالىقارالىق ستاندارتى بويىنشا يممۋنوبيولوگيالىق ءدارى- دارمەكتەر، ونىڭ ىشىندە كوروناۆيرۋس ينفەكسياسىنا قارسى ۆاكسينا شىعاراتىن بولادى. قازىرگى تاڭدا قازاقستان ع ز ي- نىڭ COVID-19-عا قارسى كانديداتتىق ۆاكسيناسى دۇنيەجۇزىلىك دەنساۋلىق ساقتاۋ ۇيىمىنىڭ تىزىمىنە ەنگىزىلگەن جانە كلينيكاعا دەيىنگى سىناقتان ءساتتى ءوتىپ جاتىر. سونداي- اق كاسىپورىندا پاندەميالىق تۇماۋعا، تۋبەركۋلەزگە، برۋتسەللەزگە، نودۋليارلىق دەرماتيتكە، كۇيىس قايىراتىن ۇساق جانۋارلار وباسىنا، قوي مەن ەشكىنىڭ كونتاگيوزدى ەكتيماسىنا، قويدىڭ شەشەك اۋرۋىنا، قۇتىرماعا جانە باسقا دا جۇقپالى اۋرۋلارعا قارسى ۆاكسينالار شىعارىلادى.

قۇرىلىس جۇمىستارىن بيىل جەلتوقسان ايىندا اياقتاۋ جانە جىل سايىن بيوفارماتسيەۆتيكالىق پرەپاراتتاردىڭ 60 ميلليون دوزاسىنا دەيىن ءوندىرۋ كوزدەلگەن. ق ر ب ع م عىلىم كوميتەتىنىڭ بيولوگيالىق قاۋىپسىزدىك ماسەلەلەرى ع ز ي 1958 - جىلى ك س ر و- نىڭ 6 ءىرى ۆيرۋسولوگيالىق ينستيتۋتىنىڭ ءبىرى رەتىندە قۇرىلدى. شتات 214 عىلىمي قىزمەتكەر مەن جەتەكشى ۆيرۋسولوگ- عالىمداردان (اكادەميكتەر، دوكتورلار جانە عىلىم كانديداتتارى، PhD) قۇرالعان.

قاۋىپتى ينفەكسيالارمەن جۇمىس ىستەۋگە ارنالعان 13 زەرتحانانى قامتيدى. ع ز ي اۋىل شارۋاشىلىعىنا جانە دەنساۋلىق ساقتاۋ جۇيەسىنە ارنالعان ۆاكسينالار ازىرلەيدى، يممۋندىق- بيولوگيالىق پرەپاراتتار شىعارادى، بيولوگيالىق قاۋىپسىزدىك قاتەرى سالاسىندا زەرتتەۋلەر جۇرگىزەدى، قاۋىپتى جانە اسا قاۋىپتى اۋرۋلاردى دياگنوستيكالاۋ بويىنشا تەست جۇيەلەرىن ازىرلەيدى، ۆيرۋستار مەن ميكروورگانيزمدەردىڭ قاۋىپتى جانە اسا قاۋىپتى شتاممدارىنىڭ دەپوزيتاريى سانالادى.

وسى ۋاقىتقا دەيىن ع ز ي 5 زەرتحانا بازاسىندا وتاندىق ۆاكسينالاردىڭ 67 ءتۇرىن ءوندىردى. ونىڭ ىشىندە، دەنساۋلىق ساقتاۋ سالاسى ءۇشىن جوعارى پاتوگەندى قۇس تۇماۋىنا قارسى (الەمدە 7) جانە جوعارى پاتوگەندى شوشقا تۇماۋىنا قارسى (الەمدە 6)، اۋىل شارۋاشىلىعى سالاسى ءۇشىن قۇس تۇماۋىنا قارسى (الەمدە العاشقىلاردىڭ ءبىرى)، برۋتسەللەزگە قارسى جاڭا ۆەكتورلىق ۆاكسينا (الەمدىك انالوگتاردان اسىپ تۇسەدى).

وسى جىلى اۋسىلعا قارسى ۆاكسينا جانە COVID-19-عا قارسى 4 ۆاكسينا ازىرلەنۋدە. ع ز ي شەتەلگە ۆاكسينالار جەتكىزۋشى رەتىندە كەدەن وداعىنىڭ تىزىلىمىنە ەنگىزىلگەن، يسلام ىنتىماقتاستىعى ۇيىمىنا مۇشە مەملەكەتتەردىڭ ۆاكسينالاردى وندىرۋشىلەر توبىنا كىرەدى.

ەسكە سالايىق، جامبىل وبلىسىنىڭ قورداي اۋدانىنداعى ق ر ب ع م عىلىم كوميتەتىنە قاراستى بيولوگيالىق قاۋىپسىزدىك ماسەلەلەرى عىلىمي- زەرتتەۋ ينستيتۋتى جانە «ۇلتتىق بيوتەحنولوگيا ورتالىعى» ر م ك كوروناۆيرۋسقا قارسى ۆاكسينا جاساۋدى قولعا العان بولاتىن.

قوردايداعى ينستيتۋت دۇنيەجۇزىلىك دەنساۋلىق ساقتاۋ ۇيىمىمەن، ا ق ش اۋرۋلاردىڭ الدىن الۋ جانە باقىلاۋ ورتالىعىمەن، حالىقارالىق ۆەنا ۋنيۆەرسيتەتىمەن جانە باسقا دا بەدەلدى ۇيىمدارمەن تىعىز بايلانىستا جۇمىس ىستەيدى. وتكەن مامىر ايىنىڭ ورتاسىندا قازاقستان COVID-19 ۆيرۋسىنا قارسى ۆاكسينا ازىرلەۋشى ەلدەر قاتارىنا رەسمي تۇردە قوسىلعانى جانە وتاندىق عالىمدار ازىرلەگەن ۆاكسينا كلينيكاعا دەيىنگى سىناقتان وتە باستاعانى حابارلاندى.

سوڭعى جاڭالىقتار
telegram