مۇناي باعاسىنىڭ تومەندەۋى - قازاقستاننىڭ بيۋدجەتى قايتا قارالا ما

نۇر- سۇلتان. قازاقپارات - مۇناي باعاسىنىڭ تومەندەپ، تەڭگەنىڭ قۇلدىراۋىنا بايلانىستى قازاقستاننىڭ بيۋدجەتى قايتا قارالا ما؟ بۇل سۇراققا و ك ق- دا ۇيىمداستىرىلعان باسپا ءسوز ءماسليحاتىندا قارجى ءمينيسترى ەرۇلان جاماۋبايەۆ جاۋاپ بەردى، دەپ حابارلايدى قازاقپارات ءتىلشىسى.

«بيىلعى ناقتىلانعان بيۋدجەت ءساۋىر ايىندا قابىلداندى. ەكى اي بولدى. سوندىقتان رەسپۋبليكالىق بيۋدجەتتى قايتا قاراۋ تۋرالى وزەكتى ماسەلە تۇرعان جوق. ءبىراق ءبىزدىڭ رەسپۋبليكالىق بيۋدجەتكە تۇسەتىن جوسپارلى قاراجات ورىندالماي وتىر. ايتسە دە قازىرگى احۋالعا، مۇناي باعاسىنا، سىرتقى ەكونوميكالىق جانە ساياسي احۋالعا بايلانىستى ءبىز ءوزىمىزدىڭ بولجامدارىمىزدى قايتا قاراستىرامىز. ءبىراق قازىر بيۋدجەتتى قايتا قارايتىنداي ەشقانداي سەبەپ جوق»، - دەدى مينيستر.

ەسكە سالا كەتسەك بۇعان دەيىن ەرۇلان جاماۋبايەۆ قازاقستاننىڭ ۇلتتىق قورىنا بىلتىر 4,5 تريلليون تەڭگە قوسىلعانىن ءمالىم ەتكەن بولاتىن. ونىڭ ايتۋىنشا 2019 -جىلدىڭ قورىتىندىسى بويىنشا ۇلتتىق قور قاراجاتى شامامەن 27,5 تريلليون تەڭگەنى نەمەسە 65,5 ميلليارد دوللاردى قۇرادى. وتكەن جىلى ۇلتتىق قورعا شامامەن 4,5 تريلليون تەڭگە، ونىڭ ىشىندە مۇناي سەكتورى ۇيىمدارىنان تۇسەتىن تىكەلەي سالىقتار تۇسىمدەرى ەسەبىنەن 2,8 تريلليون تەڭگە تۇسكەن.

اۆتور: ايان بەكەن ۇلى