ءماجىلىس: بەكبولات تىلەۋحاننان باسقا ەشكىمنەن كوروناۆيرۋس انىقتالعان جوق

نۇر-سۇلتان. قازاقپارات - ءماجىلىس كوروناۆيرۋس ينفەكسياسىنىڭ تارالماۋى ءۇشىن بارلىق قاجەتتى شارانى قابىلدايدى، دەپ حابارلايدى قازاقپارات ءماجىلىستىڭ باسپا ءسوز قىزمەتىنە سىلتەمە جاساپ.

«ءماجىلىس كوروناۆيرۋس ينفەكسياسىنىڭ تارالماۋى ءۇشىن بارلىق قاجەتتى شارالاردى قابىلداۋدا. الايدا، كوروناۆيرۋس ينفەكسياسىن انىقتاۋعا ارنالعان تەست ءماجىلىس دەپۋتاتتارىنىڭ بىرىندە وڭ ناتيجە كورسەتتى. قازىرگى ۋاقىتتا دەپۋتات بەكبولات تىلەۋحاننان ينفەكسيا انىقتالىپ، ول قاجەتتى ەمدەۋ كۋرسىن قابىلداۋدا. ءماجىلىس دەپۋتاتى ينفەكسيا انىقتاعانعا دەيىن قاشىقتان جۇمىس ىستەۋ رەجيمىندە بولعان. بۇگىنگى تاڭدا دەپۋتاتتىق كورپۋستان دا، اپپارات قىزمەتكەرلەرىنەن دە اتالعان اۋرۋ بەلگىلەرى انىقتالعان جوق»، دەلىنگەن حابارلامادا.

دەپۋتاتتارعا كارانتيننىڭ العاشقى كۇندەرىنەن باستاپ، ءماجىلىس عيماراتىندا جالپى وتىرىس كۇندەرى، سونداي- اق نەگىزگى زاڭ جوبالارى بويىنشا كوميتەتتەر مەن جۇمىس توپتارىنىڭ وتىرىستارىندا عانا كەلۋگە كەڭەس بەرىلگەن.

«وسى تۇرعىدا، جاسى 65 تەن اسقان ءماجىلىس دەپۋتاتتارى قاشىقتىقتان جۇمىس ىستەۋ رەجيمىنە ءوتتى. بارلىق جالپى وتىرىستار ونلاين رەجيمىندە تاراتىلۋدا. جۇمىس توپتارىنىڭ جەتەكشىلەرى زاڭ جوبالارى بويىنشا جۇمىستى بايلانىستىڭ قازىرگى تۇرلەرى اۋديو-ۆيدەو كونفەرەنسيالار، كونفەرەنتسيالىق قوڭىراۋلار جانە ت. ب. ارقىلى ۇيىمداستىرۋدا. ءماجىلىس عيماراتىندا كارانتيننىڭ العاشقى كۇندەرىنەن باستاپ كوروناۆيرۋستىق ينفەكسيانىڭ تارالۋىن بولدىرمايتىن ساقتىق شارالارى ەنگىزىلدى»، دەلىنگەن حابارلامادا.

ەپيدەميولوگيالىق باقىلاۋ ءۇشىن عيماراتتىڭ كىرەبەرىستەرى سەنسور دەنە قىزۋىن ولشەگىش جانە انتيسەپتيكپەن جابدىقتالىپ، عيمارات دەزينفەكسيالىق قۇرالدارمەن وڭدەلىپ، ماسكالىق ءتارتىپ قاتاڭ ساقتالۋدا. اپپارات قىزمەتكەرلەرى اراسىنداعى الەۋمەتتىك قاشىقتىق ورناتىلىپ، ولاردىڭ %80 ى قاشىقتاعى جۇمىس تارتىبىنە اۋىستى. سونىمەن قاتار، جالپى وتىرىسقا قاتىساتىن ءماجىلىس دەپۋتاتتارى جانە اپپارات قىزمەتكەرلەرى ۇنەمى كوروناۆيرۋستىق ينفەكسياعا قارسى تەستىلەر تاپسىرادى»، دەلىنگەن حابارلامادا.