10:01, 12 - ماۋسىم 2020 | GMT +5
ءماجىلىس دەپۋتاتى بەكبولات تىلەۋحان كوروناۆيرۋس ينفەكسياسىن جۇقتىردى
نۇر-سۇلتان. قازاقپارات - ءماجىلىس دەپۋتاتى بەكبولات تىلەۋحان كوروناۆيرۋس جۇقتىردى، دەپ حابارلايدى قازاقپارات.
بۇل جايىندا حالىق قالاۋلىسى ءوزىنىڭ Instagram پاراقشاسىندا جازدى.
«سوڭعى كۇندەرى كوپ ازاماتتار دەنساۋلىعىما الاڭداۋشىلىق ءبىلدىرىپ، حابارلاسىپ جاتىر. الەمدىك پاندەميا سالقىنى ماعان دا ءتيدى. كوروناۆيرۋسقا تاپسىرعان تەست وڭ ناتيجە كورسەتتى. الدىمەن ءۇي جاعدايىندا ەم قابىلداپ باستاعان ەدىم. قازىر اۋرۋحانادا دارىگەرلەردىڭ تولىق باقىلاۋىندامىن. ءتيىستى ەم شارالارىن قابىلداپ جاتىرمىن. دارىگەرلەر اتاعان COVID سيمپتومدارىن باستان وتكەرۋدەمىن» دەپ جازادى بەكبولات تىلەۋحان.
ونىڭ ايتۋىنشا، قازىر ۆيرۋستىڭ تارالۋ ىقتيمالدىعى ارتتى.
«سوندىقتان، ازاماتتاردى ساقتىق شارالارىن قاتاڭ ساقتاۋعا شاقىرامىن. توتەنشە جاعداي رەجيمى اياقتالعانىمەن، كارانتين ءالى بىتپەدى» دەپ ەسكەرتەدى دەپۋتات.
