قانداي قىزمەتتەردى وڭاي الۋعا بولاتىنى انىقتالدى
ءمينيستردىڭ ايتۋىنشا، QR- كود ارقىلى الۋعا بولاتىن قىزمەتتەردى وسى ايدا ۇسىنۋ ءۇشىن تەحنيك ماماندار جۇمىس ىستەۋدە. QR- كود ارقىلى الۋعا بولاتىن العاشقى مەملەكەتتىك قىزمەتتەر: نەكەنى تىركەۋ، بالانىڭ تۋعانىن تىركەۋ، بالاباقشا كەزەگىنە قويۋ، زاڭدى تۇلعانى تىركەۋ، سالىق ەسەبىن قابىلداۋ (250 فورما).
«بۇل قىزمەتتەردى كومپيۋتەر ارقىلى الۋ بارىسىندا ЭЦҚ - عا قول قويۋ كەزىندە QR- كودتى سكانەرلەپ، قىزمەتتى eGov mobile قوسىمشاسى ارقىلى الۋعا سۇراۋ جىبەرۋگە بولادى. ول ءۇشىن كومپيۋتەرىڭىزگە ЭЦҚ - نى پايدالانۋ ءۇشىن قوسىمشا باعدارلاما ورناتۋدىڭ قاجەتى جوق»، - دەپ اتاپ ءوتتى اسقار جۇماعاليەۆ.
وسىلايشا، ازامات eGov.kz پورتالىنان قىزمەتتەردى الۋ بارىسىندا « QR-code ارقىلى قول قويۋ» فۋنكسياسىن تاڭداي الادى. سودان سوڭ eGovMobile قوسىمشاسىن پايدالانىپ، مونيتوردا پايدا بولعان كودتى سكانەرلەيدى. وسى ايدىڭ سوڭىندا كەيبىر قىزمەتتەردى QR- كود ارقىلى الۋ مۇمكىندىگى ىسكە اسىرىلادى. الداعى ۋاقىتتا QR- كودتىڭ كومەگىمەن الۋعا بولاتىن قىزمەتتەردىڭ قاتارى كوبەيەدى. eGovMobile قوسىمشاسى App Store جانە PlayMarket پلاتفورمالارىندا بار. سونداي- اق، اتالعان موبيلدى قوسىمشادا سۇرانىسقا كوپ يە قىزمەتتەر مەن سەرۆيستەردىڭ 60 ءتۇرى قولجەتىمدى.
ازاماتتىڭ جەكە كۋالىگى سەكىلدى «سيفرلىق قۇجاتتارى» دا ەنگىزىلگەن. موبيلدى قوسىمشانى تولىققاندى پايدالانۋ ءۇشىن ЭЦҚ - نىڭ بولۋى شارت جانە موبيلدىك ازاماتتار بازاسىندا تىركەلۋىڭىز كەرەك.
اۆتور: رۋسلان عابباسوۆ
