ۆاكسينا ساپاسى قالاي تەكسەرىلەدى - مامان تۇسىنىكتەمەسى
«ۆاكسينانى تەكسەرۋ الدىندا ساراپشىلارىمىز ۆاكسينا شىعاراتىن وندىرىسكە بارىپ، جابدىقتارىن، مۇمكىندىكتەرىن، بارلىق جاعدايىن ستاندارتتار مەن الگوريتمدەر بويىنشا تەكسەرەدى. مۇنان سوڭ ساراپشىلار ۆاكسيناعا بەرگەن قۇجاتتاردىڭ، ياعني ەپيدەميولوگيالىق تيىمدىلىگىن، يممۋنوگەندىك قاسيەتتەرىن، كلينيكاعا دەيىنگى كلينيكالىق زەرتتەۋلەردىڭ، تىركەۋدەن كەيىنگى زەرتتەۋلەردىڭ ناتيجەسىنە بەرىلگەن مالىمەتتەردى دالەلدەيتىن قۇجاتتارعا تالداۋ جاساپ تەكسەرەدى. سودان كەيىن بارىپ بىزدەگى ۇلتتىق جانە حالىقارالىق ستاندارتتار بويىنشا اككرەديتاتسيادان وتكەن دارىلىك زاتتار مەن مەديتسينالىق بۇيىمداردى ۇلتتىق ساراپتاۋ ورتالىعىنىڭ زەرتحانالارىندا تاعى دا تەكسەرۋدەن وتەدى»، - دەدى ول.
ساراپشىنىڭ اتاپ وتۋىنشە، اتالعان زەرتتەۋلەردىڭ قورىتىندىسىنا سۇيەنە وتىرىپ، مەملەكەتتىك ۋاكىلەتتى ورگان ۆاكسينانى تىركەۋ تۋرالى كۋالىك بەرۋگە شەشىم قابىلدايدى.
قازىرگى تاڭدا مەملەكەتتىك دارىلىك زاتتار مەن مەديتسينالىق بۇيىمداردىڭ تىزىمىندە بەلگيا، فرانتسيا، نيدەرلاندى، رەسەي، قىتاي، ءۇندىستان، كورەيا جانە يزرايل سىندى ەلدەردىڭ ءىرى وندىرۋشىلەرىنىڭ 64 ۆاكسيناسى تىركەلگەن. ونىڭ ىشىندە م. ايقىنبايەۆ اتىنداعى كارانتيندىك جانە زوونوزدىق جۇقپالار قازاق عىلىمي ورتالىعىندا جاسالعان ءبىر وتاندىق ۆاكسينا بار.
«ۆاكسينا قازاقستانعا جەتكىزىلگەننەن كەيىن دە ءارى قاراي زەرتتەۋ جۇرگىزىلەدى. ۆاكسينانى قولدانۋ كەزىندەگى جاعىمسىز اسەرى تۋرالى مالىمەتتەر جيناقتالاتىن، تالداناتىن ءارى باعالاناتىن فارماكولوگيالىق باقىلاۋ جانە ولاردى ءقاۋىپسىز قولدانۋدى باقىلاۋ جۇيەسى جۇمىس ىستەيدى. ياعني، ۆاكسينا قازاقستانعا كەلگەننەن كەيىن ونىڭ ءار سەرياسىنا، توپتاماسىنا باقىلاۋ جۇرگىزىلىپ وتىرادى. مونيتورينگ بارىسىندا بولاتىن جاعىمسىز رەاكسيالار، بارلىق انىقتالعان جاعدايلار تالدانادى»، - دەدى ساۋلە بۇركىتبايەۆا.
ونىڭ اتاپ وتۋىنشە، ۆاكسينانى قولدانعان كەزدە بولاتىن جاناما جاعىمسىز اسەرلەر نۇسقاۋلىقتا تولىق جازىلادى.
«تاعى ءبىر ايتىپ كەتەتىن جايت، قازاقستانداعى ۆاكسينانىڭ باسىم كوپشىلىگى - دۇنيەجۇزىلىك دەنساۋلىق ساقتاۋ ۇيىمىنىڭ دارىلىك زاتتار پرەكۆاليفيكاتسياسىنان وتكەن، ءتيىستى وندىرىستىك ستاندارتتارعا سايكەس جاسالعان ۆاكسينالار»، - دەدى ول.
