قىتايدا ارحەولوگيالىق قازبا جۇمىستارى كەزىندە ەجەلگى قۇس ءمۇسىنى تابىلدى
بۇل ءمۇسىن - شىعىس ازيانىڭ ءۇش ولشەمدى ونەرىنىڭ ەڭ ەجەلگى تانىمال ۇلگىسى. ءمۇسىن قىتايدىڭ ورتالىعىنداعى حىنان پروۆينسياسىنىڭ لينجين قالاسىندا ارحەولوگيالىق قازبا ورنىنان تابىلدى. ول تاس قۇرالدارىنىڭ كومەگىمەن جانۋاردىڭ كۇيدىرىلگەن سۇيەكتەرىنەن قولدان ويىلعان. زەرتتەۋشىلەردىڭ ايتۋىنشا، تۇعىرعا بەينەلەنگەن قۇس مۇسىنىندە كوزدەرى مەن تۇمسىعى كورىنەدى. «بۇل ءمۇسىن باتىس ەۋروپا مەن سىبىردەن تابىلعان باسقا ۇلگىلەردەن تەحنولوگيالىق جانە ستيليستيكالىق جاعىنان ەرەكشەلەنەدى. بۇل پالەوليت جانە قازىرگى قىتاي ءمۇسىنىن بايلانىستىراتىن جوق بولىپ تۇرعان بۋىن بولۋى مۇمكىن»، - دەيدى زەرتتەۋشىلەر.
نىساننىڭ جاسىن انىقتاۋ ءۇشىن راديوكومىرتەكتى زەرتتەۋمەن قاتار عالىمدار ءمۇسىنشىنىڭ قولدانعان ويۋ تاسىلدەرىن انىقتاۋعا كومپيۋتەرلىك توموگرافيانى قولداندى. ولار ءمۇسىن جاساۋ ءۇشىن قاجاقتى، كاليبرلەۋشى، تىرناۋ جانە كەسەتىن تاستان جاسالعان قۇرال- سايمانداردىڭ قولدانىلعانى تۋرالى دالەلدەر تاپتى. قازبا جۇمىستارىن شاندۋن پروۆينسياسىنداعى شىعىس قىتاي ۋنيۆەرسيتەتىنىڭ زەرتتەۋشىلەرى، سونداي-اق فرانسيا، يزرايل جانە نورۆەگيا كوللەدجدەرىنىڭ ساراپشىلارى جۇرگىزدى.
