الماتى ماڭىندا قوقىس پوليگونىنداعى ءورتتى تىكۇشاقپەن ءسوندىرىپ جاتىر

تالدىقورعان. قازاقپارات - الماتى وبلىسىندا قوقىس پوليگونىنداعى ءورتتى سوندىرۋگە 3 توننا سۋ تاسىمالدايتىن قۇرىلعىسى بار مي-8 تىكۇشاعى قوسىلدى، دەپ حابارلايدى قازاقپارات توتەنشە جاعدايلار كوميتەتىنە سىلتەمە جاساپ.

ءورت ءتۇنى بويى ءسوندىرىلدى، قازىرگى ۋاقىتتا وقيعا ورنىندا الماتى وبلىسى ت ج د جەكە قۇرامىنان 40 ادام، 8 تەحنيكا، ىلە اۋدانى اكىمشىلىگىنەن 26 ادام، سونداي- اق 10 سۋ تاسۋشى تەحنيكا، 3 بۋلدوزەر، 3 تيەگىش، 5 ساموسۆال جۇمىس ىستەپ جاتىر. ءورت الاڭى - 3 گەكتار. ال جالپى قوقىس تاستايتىن الاڭنىڭ اۋماعى 38 گەكتاردى قۇرايدى.

«ءورت ورنىندا ۇزدىكسىز سۋ بەرىلىپ جاتىر. سونىمەن قاتار قازىرگى ۋاقىتتا جانۋ وشاقتارىن قايتا قۇنارلاندىرۋ جانە توپىراقپەن جابۋ شارالارى جۇرگىزىلۋدە» دەلىنگەن حابارلامادا.

ەستەرىڭىزگە سالا كەتەيىك، كەشە الماتى وبلىسىندا قوقىس پوليگونى ورتەنىپ جاتقانىن حابارلاعان بولاتىنبىز.