ديماش قۇدايبەرگەننىڭ قازاق تىلىندەگى العاشقى البومى جارىققا شىعادى
«كارانتيندە ەلگە كەلىپ، ەڭ العاشقى قازاقشا البومىمدى جيناقتاۋدىڭ ءساتى ءتۇستى. قاسىمداعى كىسىنى تانىستىرماسا دا بولادى. اتاقتى مارقۇم باتىرحان اعامىزدىڭ رەپەرتۋارىنداعى «وتان انا»، «ساعىم دۇنيە»، «قايران كوڭىل-اي» سىندى تالعامى بيىك كورەرمەننىڭ جۇرەگىن جاۋلاعان اندەردىڭ اۆتورى، ناعىز قازاق كومپوزيتورلارىنىڭ ۇستازى - قۋات اعامىزبەن ستۋديادا جۇمىس بارىسىندا» دەپ جازدى ديماش قۇدايبەرگەن Instagram پاراقشاسىندا.
ءانشىنىڭ ايتۋىنشا، ول كومپوزيتور قۋات شىلدەبايەۆپەن 3 جىلدان بەرى كەزدەسە الماي كەلگەن. «مەن بەيجىڭدە جۇرگەندىكتەن قۋات اعا ەكەۋمىز 3 جىل بويى كەزدەسە الماي ەندى عانا كەزدەسۋدىڭ ءساتى ءتۇستى. وسىنداي ۇلى كومپوزيتورمەن جۇمىس جاساۋدىڭ ءوزى ۇلكەن باقىت قوي» دەپ اتاپ ءوتتى ورىنداۋشى.
ەسكە سالا كەتەيىك، كەشە ديماش قۇدايبەرگەن مەن ق ر بالا قۇقىقتارى جونىندەگى ۋاكىل ارۋجان ساين ب ۇ ۇ جاھاندىق كوممۋنيكاتسيالار دەپارتامەنتىنىڭ قازاقستانداعى وكىلى ۆلاستيميل سامەكپەن كەزدەسكەن بولاتىن.
