21:25, 10 - ماۋسىم 2020 | GMT +5
كوروناۆيرۋس فرانسياعا قوقىس الىپ كەلدى
نۇر-سۇلتان. قازاقپارات - كوروناۆيرۋستىڭ پايدا بولۋى قورشاعان ورتانىڭ ودان بەتەر لاستانۋىنا اكەپ سوقتى. فرانسيا ماماندارى وسىنداي پىكىردە.
ماسەلەن، ەلدىڭ جاعالاۋى مەديتسينالىق قۇرال- جابدىقتارمەن لاستانعان. ال دايۆەرلەر سوڭعى ءبىر ايدىڭ ىشىندە سۋدىڭ استى ماسكا مەن رەزەڭكە قولعاپتارعا تولعانىن ايتادى. ماماندار پاندەميا اياقتالماسا جاعدايدىڭ ۋشىعىپ كەتەر ءتۇرى بار دەيدى.
وسىعان وراي فرانسيانىڭ قورشاعان ورتانى قورعاۋ مينيسترلىگى قالدىقتاردى دۇرىس جويماعان تۇرعىندارعا سالىناتىن ايىپپۇل مولشەرىن 135 ەۋروعا دەيىن ارتتىرۋدى كوزدەيدى. قۇجات جاقىن ارادا مينيسترلەر كابينەتىندە قاراستىرىلماق. ازىرگە ايىپپۇلدىڭ مولشەرى 68 ەۋرونى قۇرايدى.
www.24.kz
