مىرزاعاليەۆ: ەكولوگيالىق تولەمدەر بيۋدجەتتى تولتىرۋعا عانا اۋدارىلىپ جاتىر
«قوعام وكىلدەرى مەن حالىقارالىق ساراپشىلار ەكولوگيالىق تولەمدەردەن تۇسەتىن قاراجاتتىڭ ەكولوگيالىق ماقساتقا جۇمسالمايتىنىن ءجيى ايتادى. راسىندا دا، ەكولوگيالىق تولەمدەر قازىرگى تاڭدا قورشاعان ورتانى قورعاۋ ءۇشىن ەمەس، بيۋدجەتتى تولتىرۋعا اۋدارىلىپ جاتىر. ياعني ول قاراجات كوبىنەسە قورشاعان ورتانى جاقسارتۋعا باعىتتالماي جاتادى. بيۋدجەتكە ەكولوگيالىق تولەمدەردەن تۇسكەن قاراجاتتىڭ 45 پايىزىن عانا جەرگىلىكتى اتقارۋشى ورگاندار قورشاعان ورتانى جاقسارتۋعا ءبولىپ جاتادى. ال كەيبىر ءوڭىر ءتىپتى، بۇل سومانىڭ 10 پايىزىن عانا بولەدى»، - دەدى ماعزۇم مىرزاعاليەۆ بۇگىن ورتالىق كوممۋنيكاتسيالار قىزمەتىندە وتكەن حالىققا ونلاين ەسەپ بەرۋ بارىسىندا.
ءمينيستردىڭ ايتۋىنشا، وسىعان بايلانىستى جاڭادان قابىلداناتىن ەكولوگيا كودەكسىنىڭ كومەگىمەن ەكولوگيالىق تولەمدەردەن تۇسەتىن قاراجاتتى تولىعىمەن قورشاعان ورتانى جاقسارتۋعا اۋدارۋ جوسپارلانىپ وتىر.
اۆتور: ايان بەكەن ۇلى
