ۆاليۋتالىق يپوتەكالىق قارىز الۋشىلاردىڭ جۇكتەمەسى تومەندەتىلەدى

نۇر- سۇلتان. قازاقپارات - ءماجىلىستىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە شەتەل ۆاليۋتاسىنداعى يپوتەكالىق قارىزدار جانە كورسەتىلەتىن تولەم قىزمەتتەرى نارىعىنىڭ سۋبەكتىلەرىن رەتتەۋدى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ەكىنشى وقىلىمدا ماقۇلداندى، دەپ حابارلايدى قازاقپارات ءتىلشىسى.

زاڭ جوباسىنىڭ نەگىزگى ماقساتى - ۆاليۋتالىق يپوتەكا الۋشىلاردىڭ بورىشتىق جۇكتەمەسىن تومەندەتۋ جانە بولاشاقتا ۆاليۋتالىق تاۋەكەلدى بولعىزباۋ، سونداي- اق بانكتىك ەمەس قارجى ۇيىمدارى مەن تولەم جۇيەلەرىنىڭ قىزمەتىن رەتتەۋدى جەتىلدىرۋ. ءماجىلىس دەپۋتاتى پەتر شاراپايەۆتىڭ ايتۋىنشا، زاڭ جوباسى بويىنشا كوميتەتتەر مەن دەپۋتاتتاردان 80-نەن استام ۇسىنىس ءتۇستى. ونىڭ ىشىندە 2020 -جىلدىڭ سوڭىنا دەيىن ەكونوميكالىق ءوسۋدى قالپىنا كەلتىرۋ جونىندەگى كەشەندى جوسپار اياسىندا كوزدەلگەن.

اتاپ ايتقاندا ينفراقۇرىلىمدى، ىشكى ءوندىرىستى، كاسىپكەرلىكتى دامىتۋدى قولداۋعا جانە جۇمىسپەن قامتۋدى قامتاماسىز ەتۋگە قاتىستى شارالاردى ىسكە اسىرۋدى زاڭنامالىق تۇرعىدان قامتاماسىز ەتۋ ماقساتىنداعى تۇزەتۋلەر ەنگىزىلدى. زاڭ جوباسىنىڭ جەكەلەگەن نورمالارىن جەتىلدىرۋ ماقساتىندا مىناداي تۇزەتۋلەر ەسكەرىلگەن:

1) قارجىلىق كورسەتىلەتىن قىزمەتتەردى تۇتىنۋشىلاردىڭ قۇقىقتارىن قورعاۋ بولىگىندە: - بانكتەرگە بورىشتىق جۇكتەمەنى تومەندەتۋ ماقساتىندا شەتەل ۆاليۋتاسىن ۇلتتىق ۆاليۋتاعا اۋىستىرۋ كەزىندە شەتەل ۆاليۋتاسىنداعى يپوتەكالىق قارىز بويىنشا قارىز الۋشىنىڭ اقشالاي مىندەتتەمەسىن ازايتۋ تۇرىندەگى جاقسارتۋ شارتىن ۆاليۋتالىق يپوتەكالىق قارىز الۋشىنىڭ ءوتىنىشىنسىز قولدانۋ قۇقىعى بەرىلدى؛

2) ميكروقارجى قىزمەتىن ليتسەنزيالاۋ بولىگىندە:

- ميكروقارجى قىزمەتىن جۇزەگە اسىراتىن ۇيىمداردى ەسەپتىك تىركەۋدىڭ ورنىنا 2021 -جىلعى 1 - قاڭتاردان باستاپ ميكروقارجى قىزمەتىن ليسەنزيالاۋ ەنگىزىلەدى؛

3) ازاماتتىق- قۇقىقتىق سيپاتتاعى شارتتار بويىنشا كىرىس الاتىن جەكە تۇلعالار ءۇشىن جۇكتەمەنى تومەندەتۋ ماقساتىندا مىندەتتى زەينەتاقى جارنالارى الىنعان كىرىستىڭ 10 پايىزىنان 5 پايىزىنا دەيىن تومەندەتىلدى.

اۆتور: رۋسلان عابباسوۆ