15:54, 10 - ماۋسىم 2020 | GMT +6
ەلوردا ىرگەسىندە ورنالاسقان دەمالىس ورنى ورتەنىپ جاتىر
اقمولا وبلىسى. قازاقپارات - ەلوردا ىرگەسىندەگى جىبەك جولى اۋىلىندا ورنالاسقان «Astana resort» دەمالىس ورنى ورتەنىپ جاتىر.
بۇل تۋرالى قازاقپارات ءتىلشىسى وقيعا ورنىنان حابارلايدى.
اتالعان دەمالىس ورنىنىڭ بارلىق عيماراتتارى اعاشتان قيىلىپ جاسالعان. قازىرگى ۋاقىتتا ولاردىڭ باسىم بولىگىن ءورت شارپىدى. قالادان كەلگەن ءورت سوندىرۋشىلەر دەمالىس اۋماعىنداعى جالىندى سوندىرۋگە كۇش سالىپ جاتىر. پوليتسيا قىزمەتكەرلەرى قاۋىپسىزدىك شارالارىن ساقتاۋ ماقساتىندا سول ماڭداعى تۇرعىندار مەن كوممەرتسيالىق نىسانداردىڭ قىزمەتكەرلەرىن باسقا اۋماققا كوشىرۋدە.
ايتا كەتسەك، دەمالىس ورنى اقمولا وبلىسى ارشالى اۋدانى اۋماعىندا ورنالاسقان.
اۆتور: رۋسلان عابباسوۆ
