سامۇرىق-قازىنا ۇ ءا ق ءبىرقاتار اكتيۆتەرىن جەكەشەلەندىرۋ كەيىنگە قالدى
ق ر پرەمەر-ءمينيسترى اسقار ماميننىڭ توراعالىعىمەن وتكەن ەكونوميكانى جاڭعىرتۋ جونىندەگى مەملەكەتتىك كوميسسيانىڭ وتىرىسىندا «سامۇرىق-قازىنا» ۇ ءا ق» ا ق اكتيۆتەرىن جەكەشەلەندىرۋ ماسەلەلەرى قارالدى.
جەكەشەلەندىرۋدىڭ 2016-2020 -جىلدارعا ارنالعان كەشەندى جوسپارىنا «سامۇرىق-قازىنا» ۇ ءا ق» ا ق- نىڭ 167 اكتيۆى ەنگىزىلگەن، ولاردىڭ ىشىندە قازىرگى ۋاقىتتا 138 اكتيۆ بويىنشا تارماقتار ورىندالدى. 21 كومپانيادا وتكىزۋ جانە تاراتۋ/قايتا ۇيىمداستىرۋ جۇمىستارى جۇرگىزىلىپ جاتىر.
حالىقارالىق كاپيتال نارىقتارىنداعى جوعارى قۇبىلمالىلىققا، ەنەرگيا تاسىعىشتارعا باعالاردىڭ تومەندەۋىنە جانە الەمدىك ەكونوميكانىڭ ءوسۋ قارقىنىنىڭ باسەڭدەۋىنە بايلانىستى «قازمۇنايگاز»، «Air Astana»، «تاۋ- كەن سامۇرىق»، «Qazaq Air»، «سامۇرىق- ەنەرگو»، «قازاقستان تەمىر جولى» جانە باسقا دا ءبىرقاتار ستراتەگيالىق اكتيۆتەردى باسەكەلى ورتاعا بەرۋ مەرزىمىن 2021-2023 -جىلدارعا اۋىستىرۋ تۋرالى شەشىم قابىلداندى.
