ەلىمىزدە وتباسىلىق جانجال ۋشىعىپ تۇر - ق ر ىشكى ىستەر ءمينيسترى
بۇل تۋرالى بۇگىن ق ر ىشكى ىستەر ءمينيسترى ەرلان تۇرعىمبايەۆ ەسەپ بەرۋ كەزدەسۋى بارىسىندا ايتتى، دەپ حابارلايدى قازاقپارات ءتىلشىسى. ءمينيستردىڭ دەرەگىنشە، جىل باسىنان بەرى ەلىمىزدە قىلمىس سانى 38 پايىزعا ازايدى.
دەنە اۋىر جاراقات سالۋ، قاراقشىلىق، توناۋ، ۇرلىق، بۇزاقىلىق سىندى قىلمىس تۇرلەرى دە تومەندەدى. كامەلەتتىك جاسقا تولماعاندار، بۇرىن سوتتالعاندار جاسايتىن قىلمىستار دا تومەندەپ وتىر. قىلمىستاردىڭ كوپتەگەن تۇرلەرىنىڭ اشىلۋى كورسەتكىشى دە جاقسارا تۇسكەن.
«دەگەنمەن، وتباسىلىق- تۇرمىستىق سالاداعى قۇقىق بۇزۋشىلىقتاردىڭ سانى 25 پايىزعا ارتىپ وتىر. توتەنشە جاعداي رەجيمى كەزەڭىندە ازاماتتاردىڭ وقشاۋلاۋىنا بايلانىستى داعدارىس ورتالىقتارىنىڭ «قاۋىرت جەلىلەرىنە» زورلىق- زومبىلىق قۇرباندارىنىڭ جۇگىنۋى كوبەيىپ كەتتى. بۇعان قوسا، وكىنىشكە وراي زارداپ شەگۋشىلەردىڭ 10-ىنىڭ ەكەۋى عانا پوليتسياعا جۇگىنۋگە كەلىسەدى»، - دەدى ەرلان تۇرعىمبايەۆ ورتالىق كوممۋنكاتسيالار قىزمەتىندەگى كەزدەسۋدە.
ونىڭ اتاپ وتۋىنشە، وتباسىلىق جانجال شىعارعىشتاردان زارداپ شەگۋشىلەردى قورعاۋ ءۇشىن 37 مىڭ قورعاۋ ۇيعارىمى شىعارىلىپ، قۇقىق بۇزۋشىلارعا قاتىستى 4,8 مىڭ ارنايى تالاپ بەكىتىلگەن.
اۆتور: مارلان جيەمباي
