الەۋمەتتىك جەلىدە تىلگە قاتىستى بالالار بايقاۋى ۇيىمداستىرىلۋدا
بايقاۋدىڭ ماقساتى - تۇعىرلى انا ءتىلىمىزدىڭ قۇدىرەتىن تانىتۋ، بارشا قازاقستاندىقتاردى بىرىكتىرۋشى فاكتور رەتىندەگى ءرولىن ناسيحاتتاۋ، ونىڭ سۇلۋ اۋەزدىلىگىن بويىمىزعا ءسىڭىرۋ، كوركەم دە ايشىقتى تۇردە بەينەلەۋ، جاس ۇرپاقتىڭ بويىندا ءوز تۋعان ءتىلى ءۇشىن ماقتانىش سەزىمىن وياتۋ. سونىمەن قاتار، بالالاردى تۋعان تىلىنە دەگەن قۇرمەت سەزىمىنە باۋلۋ، ۇلتتىق نىشاندارىمىز ارقىلى ۇلتجاندى تۇلعا تاربيەلەۋگە ىقپال ەتۋ بولىپ وتىر.
«ۇمىتكەر الەۋمەتتىك جەلىدەگى تىركەلگەن پاراقشالارىندا، قازاق تىلىندە، باسقا اۆتورلاردىڭ مەملەكەتتىك ءتىلدىڭ مارتەبەسى تۋرالى شىعارمالارىن نەمەسە وسى تاقىرىپتاعى ءوز پوەزيالىق تۋىندىسىن بەينەبايان جاساپ جاتقا وقىپ، #tilqazyna, #tilulttynqazynasy دەپ تەگتەۋى كەرەك» ، - دەدى ورتالىقتان.
قاتىسۋشىلارعا تومەندەگىشە تالاپتار قويىلادى:
- بايقاۋعا 7-12 جاس ارالىعىندا بالالار عانا قاتىسا الادى.
- وقىلاتىن شىعارما ەكى شۋماقتان، ون ەكى جولدان اسپاۋى مىندەتتى.
ۇمىتكەر شىعارمانى (شىعارماسىن) الەۋمەتتىك جەلىدەگى ءوز پاراقشاسىندا بەينەبايان جاساپ وقىپ، قازىلار القاسى باعالاۋ كەزىندە مىنا جايتتەردى ەسكەرەدى:
- شىعارمانى تاڭداۋى، تاقىرىپقا ساي كەلۋى، كوركەم مازمۇنى؛
- ءتول تۋىندىعا دا وسىنداي تالاپتار قويىلادى؛
- شىعارمانى وقۋ كەزىندەگى ارتىستىك شەبەرلىگى؛
- بەينەباياندى ءتۇرلى تەحنيكالىق تاسىلدەرمەن كوركەمدەي الۋى، قوسىمشا مۋزىكامەن ارلەۋى؛
- شىعارمانىڭ، ءتول تۋىندىنىڭ كورسەتىلگەن جولدان اسپاۋى؛
- پاراقشاداعى بەينەباياندى كورۋشىلەر سانى.
چەللەندج سيپاتىنداعى بايقاۋ جەڭىمپازى ارنايى ديپلوممەن جانە ارناۋلى سىيلىقپەن ماراپاتتالادى.
ايان بەكەن ۇلى
