ەلوردادا «جاستار تاجىريبەسى» باعدارلاماسى ىسكە قوسىلدى
«قىسقا مەرزىمدى كاسىپتىك وقىتۋ باعدارلاماسى نەگىزىندە كۋرسىمىز جۇمىس بەرۋشىلەردىڭ ۇسىنىسى ارقىلى ۇيىمداستىرىلادى. جاستار تاجىريبەسى العان ماماندىعى بويىنشا باستاپقى جۇمىس تاجىريبەسىن الۋعا ارنالعان. وقۋ - تەگىن. وقۋ بارىسىندا مەملەكەت تاراپىنان 16759 تەڭگە شاكىرتاقى تولەنەدى. ۇزاقتىعى 6 ايدان اسپايدى. وقۋ اياقتالعاننان كەيىن جۇمىسسىز ازاماتتار جۇمىس بەرۋشىگە تۇراقتى جۇمىسقا ورنالاستىرىلادى» ، - دەيدى «نۇر- سۇلتان قالاسى اكىمدىگىنىڭ حالىقتى جۇمىسپەن قامتۋ ورتالىعى» ك م م جۇمىسقا ورنالاسۋعا جاردەمدەسۋ ءبولىمىنىڭ جەتەكشىسى ازامات بايتاسوۆ ونلاين وتكەن باسپا ءسوز كونفەرەنتسيادا.
ونىڭ ايتۋىنشا، اتالعان كۋرس 3 اي بولعانمەن، جارتىسىندا تەوريا جۇزىندە بولسا، قالعان بولىگىندە جۇمىس بەرۋشىگە بارىپ ۇيرەنەدى. «جاستار تاجىريبەسى» دەپ اتالاتىن تاعى ءبىر باعدارلاما بار. بۇل باعدارلاماعا وقۋدى ديپلوم العان كۇننەن باستاپ 3 جىلدان كەش ەمەس اياقتاعاندار جانە العان ماماندىعى بويىنشا جۇمىس تاجىريبەسى جوق 29 جاستان اسپاعان جۇمىسسىزدار قاتىسا الادى.
«قازىرگى ۋاقىتتا وسى باعدارلاما بويىنشا 900 ازاماتتى جۇمىسقا ورنالاستىرۋىمىز قاجەت. 200-دەن استام جاس تۇلەك جۇمىسقا ورنالاستىرىلدى. بۇل باعدارلاما 6 ايعا قاراستىرىلعان. 6 اي ىشىندە جالاقىنى مەملەكەت تولەيدى» ، - دەيدى ول.
