نۇر- سۇلتان مەن الماتىدا كارانتين كۇشەيتىلە مە

نۇر- سۇلتان. قازاقپارات – ق ر باس مەملەكەتتىك سانيتارلىق دارىگەرى ايجان ەسماعامبەتوۆا الماتى مەن نۇر- سۇلتان قالالارىندا كارانتين تالاپتارىن كۇشەيتۋ تۋرالى سۇراققا جاۋاپ بەردى، دەپ حابارلايدى قازاقپارات ءتىلشىسى.

«ناۋقاستار سانىنىڭ ارتۋى - كارانتيندى كۇشەيتۋ نەمەسە جۇمسارتۋدىڭ جالعىز فاكتورى ەمەس. الماتى وبلىسىن الىپ قاراساق، ءبىر اپتا ىشىندە اۋرۋ ءوسىمى%7 استى، سوندىقتان كارانتين كۇشەيتىلدى. نۇر- سۇلتان مەن الماتىداعى كورسەتكىش %7 تومەن. ءبىراق سوڭعى اپتاداعى وقيعالاردىڭ %30 وسى قالالارعا تيەسىلى. ت ج رەجيمىنەن كەيىن اشىلعان نىسانداردىڭ جۇمىسىن تەكسەرەتىن مونيتورينگتىك توپ نىسانداردىڭ %53 ەرەجە بۇزعانىن كورسەتتى»، - دەدى باس سانيتارلىق دارىگەر Facebook-تە وتكەن ونلاين- بريفينگتە.

ايجان ەسماعامبەتوۆا كارانتيندى كۇشەيتۋدە نەمەسە جەڭىلدەتۋدە قانداي العىشارتتار ەسكەرىلەتىنىن ءتۇسىندىردى.

«مۇندا سىرقاتتانۋ ءوسىمى عانا ەمەس، 1 ادامنىڭ قانشا ادامعا ۆيرۋس تاراتقانى، حالىقتىڭ الدىن الۋ شارالارىن قالاي ۇستانعانى دا ەسەپتەلەدى. نىساندارعا قويىلاتىن تالاپ بويىنشا 40 تان استام الگوريتم بار. ەگەر بارلىعىمىز بىرىگىپ شارا قولدانباساق، قايتادان كۇشەيتىلگەن كارانتينگە ءتۇسۋىمىز مۇمكىن. ءبىز نىسان كەلۋشىلەرى بولىپ تا سانالامىز. تەڭگەرىمدى ساقتاۋ عانا كارانتيندى كۇشەيتۋدەن ساقتايدى. نەگىزگى گيگيەنا تالاپتارىن ساقتاۋعا ارتىق كۇشتىڭ دە قاجەتى جوق»، - دەدى ا. ەسماعامبەتوۆا.