بلوكپوستاعى اپات: ءۇشىنشى پوليتسەي ەسىن جيدى

الماتى. قازاقپارات - بلوكپوستا زارداپ شەككەن، ءۇشىنشى پوليتسەي ەسىن جيدى، دەپ حابارلايدى قازاقپارات ءتىلشىسى.

«ناۋقاستىڭ جاعدايى تۇراقتالدى. ەسىن جيدى، سۇراقتارعا جاۋاپ بەرە الادى. قاي جاقتا ەكەنىن، ۋاقىت قانشا ەكەنىن بىلەدى. ءبىراق باسى ءالى دە اۋىرادى، سونداي- اق، باسى اينالادى. پالاتادا ءوز بەتىنشە قيمىلداپ، جۇرە الادى»، - دەپ حابارلادى دەنساۋلىق ساقتاۋ باسقارماسىنداعىلار.

بۇعان دەيىن، 26 جاستاعى پوليتسەي ەربۇلان سەيدازىمنىڭ جانساقتاۋ بولىمىنەن پالاتاعا اۋىستىرلعانى تۋرالى جازعان بولاتىنبىز. پوليتسەي اۋرۋحاناعا اۋىر حالدە جەتكىزىلگەن بولاتىن. دارىگەرلەر تەكسەرۋ بارىسىندا قوسارلاسقان جاراقات، باستان جاراقات، ميى سوققى العانىن انىقتاپ، شۇعىل تۇردە وتا جاسادى.

ەسكە سالايىق، 25 - مامىر تاڭعى ساعات 05:26-دا BMW ماركالى كولىكتىڭ 1992 -جىلعى جۇرگىزۋشىسى ماس كۇيىندە بلوكپوستاعى پوليتسيا كولىگىنە سوعىلدى. سالدارىنان ەكى پوليتسيا قىزمەتكەرى كوز جۇمدى.

اۆتور: الما مۇقانوۆا