15:49, 08 - ماۋسىم 2020 | GMT +5
شاڭحاي عالىمدارى كوروناۆيرۋسقا قارسى ءدارى كلينيكالىق سىناقتان وتكىزە باستادى
نۇر-سۇلتان. قازاقپارات - شاڭحاي عالىمدارى كوروناۆيرۋستى جوياتىن پرەپاراتتى كلينيكالىق سىناقتان وتكىزە باستادى، دەپ حابارلايدى «حابار 24».
ونىڭ قۇرامىندا انتيدەنەلەر بار. بۇل ءدارىنى عالىمدار جانۋارلارعا قولدانىپ كورگەن ەكەن. ناتيجە بەرسە كەرەك. ەندى ادامدارعا اسەرىن بايقاماق. زەرتتەۋ جۇمىستارى بيىل قاڭتار ايىندا باستالعان. ەگەر بۇل پرەپارات تيىمدىلىگىن دالەلدەسە، ونى كوروناۆيرۋسقا قارسى ۆاكسينا رەتىندە قولدانۋعا بولادى.
ياڭ جينحۋا، ق ح ر ميكروبيولوگيا ينستيتۋتىنىڭ زەرتتەۋشىسى:
- اۋرۋدان جازىلعانداردىڭ اعزاسىندا انتيدەنەلەر شىعاراتىن گەندى بولگەننەن كەيىن ونى زەرتحانادا وسىرىلگەن جاسۋشاعا ەندىرەمىز. ونى ءوسىرتىپ، اقۋىزىن تازارتامىز. ياعني، ۆيرۋستىڭ ادام جاسۋشالارىنا كىرۋىنە جول بەرمەيمىز. وسىلاي ناۋقاستاردى ەمدەپ، ادامداردى ۆيرۋستان قورعاي الامىز.
