13:25, 08 - ماۋسىم 2020 | GMT +5
كوكشەتاۋدا ەكى توپقا ءبولىنىپ توبەلەسكەن جاستاردىڭ ۇستىنەن ءىس قوزعالدى
كوكشەتاۋ. قازاقپارات - كوكشەتاۋدا ەكى توپقا ءبولىنىپ توبەلەسكەن جاستاردىڭ ۇستىنەن ق ر ق ك 293-بابىنىڭ 3-بولىگى بويىنشا ءىس قوزعالدى، دەپ حابارلايدى قازاقپارات ءتىلشىسى وبلىستىق پ د باسپا ءسوز قىزمەتىنە سىلتەمە جاساپ.
ۆەدومستۆونىڭ مالىمەتىنشە، ماۋسىمنىڭ 6 سىندا وبلىس ورتالىعىنداعى «شافران» ءدامحاناسىندا سوزگە كەلىپ قالعان جاستار كوشەگە شىعىپ، ەكىگە ءبولىنىپ توبەلەسكەن.
«وسى وقيعا نەگىزىندە كوكشەتاۋ قالالىق پوليتسياسى كىنالىلەرگە قاتىستى ق ر ق ك 293-بابىنىڭ 3-بولىگى (بۇزاقىلىق) بويىنشا ءىس قوزعادى. كۇدىكتىلەردىڭ ۇشەۋى ۋاقىتشا ۇستاۋ يزولياتورىنا قامالدى، تاعى ەكەۋىن ۇستاۋ ءۇشىن جۇمىس ءجۇرىپ جاتىر» دەيدى ۆەدومستۆودان. پ د قىزمەتكەرلەرى اتاپ وتكەندەي، بۇل ارەكەت ءۇشىن 3 جىلدان 7 جىلعا دەيىن جاۋاپكەرشىلىك قاراستىرىلعان.
