بۇرىنعى چەمپيون قارسىلاسىن ءبىر سوققىمەن نوكاۋتقا ءتۇسىردى

نۇر-سۇلتان. قازاقپارات - لاس-ۆەگاستا وتكەن UFC 250 ءتۋرنيرىنىڭ باستى جەكپە-جەكتەرىنىڭ بىرىندە امەريكالىق كودي گاربراندت برازيليالىق رافاەل اسسۋنساونى نوكاۋتپەن جەڭدى، - دەپ حابارلايدى Vesti.kz.

جەكپە-جەك ەكىنشى راۋندتىڭ سوڭعى سەكۋندىندا اياقتالدى. گاربراندت سوققىسى راۋندا اياقتالعانىن بىلدىرەتىن گونگ دىبىسىمەن ءدال كەلىپ، اسسۋنساونى تەرەڭ نوكاۋتقا ءتۇسىردى.

ال تۋرنيردىڭ باستى كەزدەسۋىندە جارتىلاي جەڭىل سالماقتاعى چەمپيوندىق بەلبەۋ ءۇشىن برازيليالىق اماندا نۋنەس كانادالىق فەليتسيا سپەنسەرمەن جۇدىرىقتاسادى. شوۋ UFC ۇيىمىنا تيەسىلى APEX ارەناسىندا كورەرەمەنسىز ءوتىپ جاتىر.

— inform.kz inform.kz