ق ر د س م كلينيكالىق بەلگىلەرى جوق كوروناۆيرۋس تاسىمالداۋشىلارى تۋرالى ستاتيستيكانى جاريالاپ وتىرماق
بۇل تۋرالى مينيسترلىك Telegram پاراقشاسىندا جاريالادى.
«بۇعان دەيىن دە دەنساۋلىق ساقتاۋ مينيسترلىگى كۇن سايىن كوروناۆيرۋس ينفەكسياسىن جۇقتىرعان ادامدار بويىنشا ستاتيستيكا جۇرگىزىپ كەلدى. اتالعان ستاتيستيكادا COVID-19 ۆيرۋسىن جۇقتىرعان - اۋرۋ بەلگىلەرى بار جانە كلينيكالىق بەلگىلەرى جوق ادامدار ەسەپكە الىندى. بۇگىننەن باستاپ بارلىق رەسمي دەرەك كوزدەرىندە كوروناۆيرۋس ينفەكتسياسى بويىنشا اۋرۋ بەلگىلەرى بار جانە كلينيكالىق بەلگىلەرى جوق ۆيرۋس تاسىمالداۋشىلار بويىنشا ستاتيستيكا جەكە- جەكە جاريالانادى»، - دەلىنگەن حابارلامادا.
سونىمەن قاتار وندا مۇنداي ءتاسىلدىڭ حالىقارالىق تاجىريبەدە جانە كوپ ەلدەردە قولدانىلىپ كەلەتىنى ايتىلعان. بۇلاي ءبولۋدىڭ ماقساتى - سيمپتوماتيكالىق ەمدەۋدى قاجەت ەتەتىن ناۋقاستاردىڭ سانى بويىنشا جاعدايدى كورسەتۋ.
«COVID-19 اۋرۋىنىڭ كلينيكالىق بەلگىلەرى جوق ادامدار اينالاسىنداعىلارعا ەلەۋلى ەپيدەميولوگيالىق قاۋىپ توندىرەدى. بۇگىنگى تاڭدا قازاقستاندا تەستىلەۋ كەزىندە كۇن سايىن انىقتالىپ جاتقان جاعدايلاردىڭ %60 عا جۋىعى - بۇل ينفەكسيانى سيمپتومسىز تاسىمالداۋشىلار ەكەنىن اتاپ وتكەن ءجون. ەلىمىزدە كوروناۆيرۋس ينفەكتسياسىنىڭ تارالۋىنىڭ الدىن الۋ ماقساتىندا COVID-19 اۋرۋىنىڭ كلينيكالىق بەلگىلەرى جوق تاسىمالداۋشىلاردى باقىلاۋ جالعاسا بەرمەك»، - دەپ جازدى مينسترلىك.
