16:07, 02 - ماۋسىم 2020 | GMT +5
گرەكيا استاناسىندا ەرەۋىل كۇشەيدى
نۇر-سۇلتان.قازاقپارات – 300 گە جۋىق ادام افيناداعى ا ق ش ەلشىلىگىنىڭ الدىنا جينالىپ، ءوز نارازىلىقتارىن ءبىلدىردى، دەپ حابارلايدى «حابار 24» .
ولار امەريكاداعى دجوردج فلويدقا قاتىستى پوليتسيا ارەكەتىنە قارسى شىقتى. جينالعانداردىڭ قولىندا «مەن تۇنشىعىپ بارامىن» دەگەن جازۋى بار پلاكاتتار بولدى. ءدال وسىنداي جاعداي فرانتسيا ەلىندە دە بولىپ جاتىر. بۇندا جۇزدەگەن ادام قولدارىنا ءارتۇرلى ۇراندار جازىلعان پلاكاتتار الىپ، ا ق ش ەلشىلىگىنىڭ الدىنا جينالدى. كوپشىلىگى قارا ماسكا كيىپ العان. ايتا كەتەيىك، ا ق ش جانە باسقا ەلدەردەگى ەرەۋىلدەردىڭ بولىپ جاتقانىنا اپتاعا جۋىقتادى.
