الاكولگە پويىزبەن قالاي جەتۋگە بولادى

نۇر- سۇلتان. قازاقپارات - «قازاقستان تەمىر جولى» ۇلتتىق كومپانياسى الاكولگە قالاي پويىزبەن جەتۋگە بولاتىندىعىن جاريا ەتتى، دەپ حابارلايدى قازاقپارات.

كومپانيا مالىمەتىنە قاراعاندا، بەلگىلەنگەن ەرەجەگە سايكەس، قازاقستاندا جولاۋشىلار پويىزدارىنىڭ ءجۇرىسى ءۇش كەزەڭدە باستالادى:

ءبىرىنشى كەزەڭ - 1 ماۋسىمنان؛ ەكىنشى كەزەڭ - 10 ماۋسىمنان. الاكول كولىنە دەيىن كەلەسىدەي باعىتتارعا تەمىرجول بيلەتتەرىنىڭ ساتىلىمى اشىلدى: 2 - ماۋسىمنان باستاپ №6941/6942 «اقتوعاي- دوستىق» جانە №22/21 « قىزىلوردا - سەمەي» پويىزدارى قۇرامىندا «الماتى - دوستىق» ۆاگوندار جولعا شىعادى. پويىز كۇنارا جيىلىكپەن قاتىنايدى جانە باسقا ۆاگونعا اۋىسىپ ءمىنۋ قاجەتتىلىگى جوق. سونىمەن قاتار، ءدال وسى كۇننەن باستاپ №121/122 «نۇر- سۇلتان - سەمەي» جانە №6941/6942 «اقتوعاي - دوستىق» پويىزدارى قۇرامىندا «نۇر - سۇلتان- دوستىق» ۆاگوندارى تىركەلەدى. ال 12 - ماۋسىمنان №54/53 «نۇر- سۇلتان - دوستىق» پويىزى اپتاسىنا ەكى رەت قاتىناي باستايدى.

مۇنان بولەك، اتالعان باعىتقا سۇرانىستىڭ جوعارى ەكەندىگىن جانە ەپيدەميولوگيالىق جاعدايدى ەسەپكە الا وتىرىپ، قازاقستاندا قوسىمشا كەلەسىدەي پويىزدار جولعا شىعۋى مۇمكىن:

1) №13/14 «الماتى - دوستىق»، اپتاسىنا 3 رەت؛

2) №258/257 «نۇر- سۇلتان - دوستىق»، اپتاسىنا 2 رەت؛

3) №453/454 «الماتى - دوستىق» ، اپتاسىنا 3 رەت؛

4) №457/6941//6942/458 «سەمەي - شار - دوستىق»، كۇنارا؛

5) №459/6941//6942/460 «وسكەمەن - شار - دوستىق»، كۇنارا.

«ق ت ج» ۇ ك» ا ق الاكول كولى باعىتىندا سۇرانىس ارتسا قوسىمشا ۆاگوندار ۇسىنۋعا دايىن.