الاكولدىڭ اشىلاتىن ۋاقىتى ايتىلدى
«ازىرگە، ەل ازاماتتارى قازاقستاننان تىس ساپارلاي المايدى، سوندىقتان 1-ماۋسىمنان دوستىق ستانساسى باعىتىندا ەكى پويىزدىڭ قوزعالىسى ىسكە اسىرىلادى. ال 10-ماۋسىمنان كەيىن قالعان پويىزداردىڭ قوزعالىسىن جانداندىرامىز. شىعىس قازاقستان وبلىسى اكىمدىگىمەن ۋاعدالاستىق بويىنشا 19 ماۋسىمنان الاكولدى اشۋ جوسپارلانىپ وتىر. ءبىز وسى جولاۋشىلار پويىزدارىن ىسكە قوسۋدى جوسپارلادىق»، - دەدى ول ورتالىق كوممۋنيكاتسيالار قىزمەتىندە. سونىمەن قاتار تاريفتەر كوتەرىلمەيتىنىن، بيلەتتەر بۇرىنعى تاريفپەن ساتىلاتىنىن اتاپ ءوتتى.
«تاريفتەر كوتەرىلمەيدى. ءبىز ديناميكالىق باعا قالىپتاستىرۋ جۇيەسىن الىپ تاستادىق. وزدەرىڭىز بىلەسىزدەر، بۇرىندارى جولاۋشى 45 كۇن بۇرىن بيلەت ساتىپ السا، وندا باسقا باعا بولاتىن. ال پويىز جۇرۋگە ەكى كۇن قالعان كەزدە العاندا بيلەتتىڭ قۇنى وزگەرەتىن. الەۋمەتتىك ماڭىزدى باعدارلارداعى ديناميكالىق باعا قالىپتاستىرۋدى توقتاتتىق»، - دەدى قانات الماعامبەتوۆ.
