قازاقستاننىڭ تۋريزم سالاسى كوروناۆيرۋس سالدارىنان زور كولەمدە كىرىسىنەن ايىرىلۋى مۇمكىن
بۇل تۋرالى ق ر مادەنيەت جانە سپورت مينيسترلىگى تۋريزم يندۋسترياسى كوميتەتىنىڭ ءتوراعاسى داستان رىسبەكوۆ ايتتى، دەپ حابارلايدى قازاقپارات ءتىلشىسى.
«كوروناۆيرۋس ىندەتىنىڭ وتاندىق تۋريزمگە كەرى اسەرى وتە زور بولاتىندىعىن اتاپ ءوتۋ كەرەك. ءبىزدىڭ ەسەپتەۋلەرىمىزگە سايكەس، شەكتەۋ شارالارىنىڭ ەنگىزىلۋىنە بايلانىستى بيىل كوشپەلى تۋريزم سالاسىنداعى شىعىن 70-80 پايىزعا جۋىقتايدى»، - دەدى داستان رىسبەكوۆ ورتالىق كوممۋنيكاتسيالار الاڭىندا وتكەن بريفينگ بارىسىندا.
ماسەلەن، ونىڭ اتاپ وتۋىنشە، ۇلتتىق بانك مالىمەتتەرىنە سايكەس، 2019 -جىلعى تۋريزم سالاسى قىزمەتتەرىنىڭ ەكسپورت كولەمى 2,5 ميلليارد ا ق ش دوللارىن قۇراعان. وسىعان قاراي توتەنشە جاعدايعا بايلانىستى ەل ۇكىمەتى «اتامەكەن» ۇلتتىق كاسىپكەرلەر پالاتاسىنىڭ جانە تۋريستىك قوعامداستىقتىڭ ۇسىنىسى نەگىزىندە تۋريزم سالاسىنداعى سۋبەكتىلەردى مەملەكەتتىك قولداۋ بويىنشا ءبىرقاتار جەدەل شارا ازىرلەگەن ەدى.