مەملەكەتتىك ءبىلىم گرانتىنىڭ قۇنى ءۇش ەسەگە ارتادى

نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ ج و و وقىتۋشىلارىنىڭ ەڭبەكاقىسىن كوتەرۋ جولىن اتادى، دەپ حابارلايدى قازاقپارات ءتىلشىسى.

«دارىندى جاستاردىڭ شەتەلگە كەتۋ ماسەلەسىنە ەرەكشە نازار اۋدارعان ءجون. مۇنىڭ بىرنەشە سەبەبى بار. ونىڭ ءبىرى - جوعارى ءبىلىم بەرۋ جۇيەسىنىڭ باسەكەگە قابىلەتسىزدىگى. ارينە بۇل قوسىمشا ينۆەستيتسيانى تالاپ ەتەدى. وسىعان وراي ءبىز ءبىلىم گرانتتارىنىڭ ورتاشا قۇنىن 340-420 مىڭ تەڭگەدەن 1 ميلليون تەڭگەگە دەيىن كوبەيتۋ تۋرالى شەشىم قابىلدادىق. ياعني، گرانت قۇنى ءۇش ەسە ارتادى. سول ارقىلى وقىتۋشىلاردىڭ جالاقىسىن كەزەڭ-كەزەڭمەن ارتتىرىپ، ۋنيۆەرسيتەتتەردىڭ ماتەريالدىق بازاسىن نىعايتۋعا بولادى. بۇل - ماڭىزدى قادام. ويتكەنى گرانت قۇنى 2011 -جىلدان بەرى وسكەن جوق»، - دەدى پرەزيدەنت ۇلتتىق قوعامدىق سەنىم كەڭەسىنىڭ وتىرىسىندا.

پرەزيدەنت ەلىمىزدەگى 5 ج و و الەمنىڭ ۇزدىك 500 ۋنيۆەرسيتەتىنىڭ قاتارىنا قوسىلۋى كەرەكتىگىن ايتىپ ءوتتى. بۇل مەجەگە 2025 -جىلعا دەيىن جەتۋ كوزدەلىپ وتىر.

اۆتور: ايان بەكەن ۇلى