ەلوردانىڭ ماڭىنا قاتىنايتىن اۆتوبۋستار قاشان جولعا شىعاتىنى بەلگىلى بولدى
«مەنىڭشە، ەپيدەميولوگيالىق احۋالعا بايلانىستى مامىر ايىنىڭ سوڭىنا دەيىن بۇل باعدارلاردى اشا قويماسپىز. ارينە، قالاماڭى باعدارلارىنىڭ جۇمىسىن تەزىرەك جاڭارتۋعا تىرىسىپ جاتىرمىز»، - دەدى ەلوردا اكىمى.
ونىڭ اتاپ وتۋىنشە، ەلوردا توڭىرەگىندەگى قوسشى، تالاپكەر، قوياندى سىندى ەلدى مەكەندەر زاڭدى تۇرعىدا اقمولا وبلىسىنىڭ اۋماعىنا كىرەدى. الايدا بۇل ەلدى مەكەندەردىڭ ەلورداعا تاقاۋ ورنالاسقانىن جانە تۇرعىندارىنىڭ باسىم كوپشىلىگى نۇر- سۇلتانعا كەلىپ جۇمىس ىستەيتىندىگىن ەسكەرگەندىكتەن كارانتيندىك اۋماققا كىرگىزىلگەن.
«بۇل ماسەلەنى باقىلاۋدا ۇستاپ وتىرمىز. ازىرشە، مامىر ايىنىڭ سوڭىنا دەيىن وسى رەجيمدە جۇمىس ىستەيمىز. مەنىڭشە، ەپيدەميولوگيالىق احۋال ءدال قازىرگىدەي تۇراقتى بولىپ قالا بەرەتىن بولساق، وندا ماۋسىم ايىنىڭ باسىندا قالاماڭى باعدارلارىن ىسكە قوسامىز»، - دەدى التاي كولگىنوۆ.
اۆتور: مارلان جيەمباي
