18:24, 26 - مامىر 2020 | GMT +5
التاي كولگىنوۆ شەكتەۋ شارالارىنىڭ قاتاڭداتىلۋى مۇمكىن ەكەندىگىن ەسكەرتتى
نۇر- سۇلتان. قازاقپارات - نۇر- سۇلتان قالاسىنىڭ اكىمى التاي كولگىنوۆ شەكتەۋ شارالارىنىڭ قاتاڭداتىلۋى مۇمكىن ەكەندىگىن ەسكەرتتى، دەپ حابارلايدى قازاقپارات ءتىلشىسى.
«مەملەكەت باسشىسى جارلىعىنىڭ (توتەنشە جاعداي رەجيمى تۋرالى) دەر ۋاقىتىندا قابىلدانۋىنىڭ ارقاسىندا ۆيرۋستىڭ تارالۋىنا جول بەرمەۋ ماسەلەسىن باقىلاۋعا الا الدىق. جانە دە قازىرگى ۋاقىتتا ۆيرۋستىڭ مۇنان دا كوپتەپ تارالۋىنا جول بەرە المايمىز. بۇرىنعى قالىپتى ومىرىمىزگە قايتا ورالۋىمىز ءبىزدىڭ ءارقايسىمىزعا بايلانىستى»، - دەدى قالا باسشىسى حابار-24 تەلەارناسىنىڭ تىكەلەي ەفيرىندە.
ونىڭ اتاپ وتۋىنشە، ەلوردا تۇرعىندارىنىڭ قاۋىپسىزدىك شارالارىن ساقتاماۋ فاكتىلەرى ءالى دە بولسا كەزدەسىپ جاتىر.
«ءبىز جاڭا جاعدايدا ءومىر سۇرۋگە ۇيرەنۋىمىز قاجەت. سوندىقتان قاۋىپسىزدىك ماقساتىندا قۇرىلىس نىساندارىنان باستاپ ادامدار كوپ جينالاتىن جەرلەرگە مونيتورينگ جاساپ وتىرامىز»، - دەدى التاي كولگىنوۆ.
اۆتور: مارلان جيەمباي
