تارازدا سوڭعى قوڭىراۋ شاراسى ەرەكشە فورماتتا ءوتتى
وبلىس ورتالىعىنداعى «جاستار اللەياسىندا» وتكەن سوڭعى قوڭىراۋ بارىسىندا 6 اۆتوكولىك ۇلى اقىن اباي قۇنانبايەۆ بەينەلەنگەن بايراقتى جەلبىرەتىپ، 6 باعىت بويىنشا تاراز قالاسىن ءجۇرىپ ءوتتى. كولىكتە پاندىك وليمپيادالار، ءتۇرلى شىعارماشىلىق حالىقارالىق، رەسپۋبليكالىق بايقاۋلاردىڭ جەڭىمپازدارى، «جاس ۇلان» ۇيىمىنىڭ بەلسەندى كوشباسشىلارى، رەسپۋبليكالىق «جاس پاتريوتتار» اكادەمياسىنىڭ مۇشەلەرى وتىردى.
بالالار اقىننىڭ پوەزياسىن، ولەڭدەرىن، قارا سوزدەرىنەن ۇزىندىلەر وقىپ، اندەرىن ورىندادى. بۇدان بولەك كولىكتەردە داۋىس كۇشەيتكىش ارقىلى «سوڭعى قوڭىراۋ» مەرەكەسىنە ارنالعان قۇتتىقتاۋلار، ءبىلىم سالاسىنىڭ جەتىستىكتەرى ايتىلدى. سونداي- اق، بۇل كۇنى ءار سىنىپتا بارلىق وقۋشىنىڭ قاتىسۋىمەن ونلاين سوڭعى قوڭىراۋ جانە سىنىپ ساعاتتارى وتكىزىلدى.
وبلىس اكىمى ب. ساپاربايەۆ جەرگىلىكتى تەلەارنادان وقۋشىلاردى وقۋ جىلىنىڭ اياقتالۋىمەن جانە تۇلەكتەردى مەكتەپ ءبىتىرۋ ىمەن قۇتتىقتادى. ايتا كەتەيىك، بيىلعى جىلى جامبىل وبلىسى بويىنشا مەكتەپ بىتىرگەلى وتىرعان 9171 تۇلەكتىڭ 78,3 پايىزى (7 181 وقۋشى) ۇ ب ت- عا قاتىسۋ ءۇشىن ونلاين ءوتىنىش تاپسىرعان. ونىڭ ىشىندە 383 تۇلەك - «التىن بەلگىگە» جانە 366 تۇلەك - ۇزدىك اتتەستاتقا ۇمىتكەر.
«11-سىنىپ تۇلەكتەرىنە اتتەستات تاپسىرۋ جانە سوڭعى قوڭىراۋ 3-4- ماۋسىمدا وتەدى. مەكتەپ ءبىتىرۋ كەشتەرىندە سانيتارلىق تالاپتار مەن قاۋىپسىزدىك نورمالارى ساقتالۋى قاجەت. ءىس- شارا مەكتەپ اۋماعىندا، اشىق الاڭدا ءار سىنىپ ءۇشىن بولەك وتكىزىلەدى، ۋاقىت ارالىعى - 20 مينۋت. ءاربىر تۇلەكپەن 1 نە 2 اتا- اناسى قاتىسا الادى. وقۋشىلار ماسكامەن قامتاماسىز ەتىلىپ، قاشىقتىقتى ساقتاۋى كەرەك. وقۋشىلاردان مەكتەپ نەمەسە پەداگوگتەرگە سىيلىق جاساۋ ءۇشىن قاراجات جيناۋ، اۆتوكولىكتەردى جالعا الىپ، قالا ىشىندە ەكسكۋرسيا جاساۋ جانە مەيرامحانا، ءدامحانا، كوڭىل كوتەرۋ ورىندارىندا وتىرىس ۇيىمداستىرۋعا تىيىم سالىنادى»، - دەيدى وبلىستىق ءبىلىم باسقارماسى باسشىسىنىڭ مىندەتىن اتقارۋشى ءجاميلا بەكباتىروۆا.
