07:41, 22 - مامىر 2020 | GMT +6
قازاقستان اۋعانستانعا ازىق-تۇلىك جىبەردى
نۇر-سۇلتان. قازاقپارات - قازاقستان اۋعانستانعا ازىق-تۇلىك كومەگىن جىبەردى، دەپ حابارلايدى قازاقپارات ق ر سىرتقى ىستەر مينيسترلىگىنە سىلتەمە جاساپ.
«قازاقستان كورشىلەس ەلدەرگە گۋمانيتارلىق كومەك كورسەتەدى. جاقىندا ۇكىمەتتىڭ اۋعانستانعا گۋمانيتارلىق كومەك كورسەتۋ تۋرالى قاۋلىسى شىقتى. اۋعانستانعا ازىق-تۇلىك كومەگى جىبەرىلدى. جالپى ءار مەملەكەت ءوز مۇمكىندىگىنشە، مەديتسينالىق قۇرالدار مەن ازىق-تۇلىك سىندى كومەك بەرىپ جاتىر»، - دەدى ق ر سىرتقى ىستەر مينيسترلىگى تاياۋ، ورتا شىعىس جانە افريكا دەپارتامەنتىنىڭ ديرەكتورى ەرجان مۇقاش نۇر-سۇلتان اۋەجايىندا.
ەسكە سالا كەتسەك، بۇگىن نۇر-سۇلتانعا «Qatar Airways» اۋە كومپانياسىنىڭ ارنايى رەيسىمەن 9 توننا گۋمانيتارلىق كومەك جەتكىزىلدى. كوروناۆيرۋس پاندەمياسى كەزىندە قازاقستانعا ب ا ءا، قىتاي، ءۇندىستان، پاكىستان، رەسەي جانە تۇركيادان گۋمانيتارلىق كومەك كەلدى.
