11:10, 21 - مامىر 2020 | GMT +5
ۇلتتىق قوعامدىق سەنىم كەڭەسىنىڭ ءۇشىنشى وتىرىسى قاشان وتەتىنى بەلگىلى بولدى
نۇر-سۇلتان. قازاقپارات - الداعى وتىرىس ونلاين فورماتتا وتەدى، وعان ءتۇرلى وڭىرلەر قوسىلادى دەپ جوسپارلانىپ وتىر.
بۇل تۋرالى پرەزيدەنت كەڭەسشىسى ەرلان قارين ءوزىنىڭ Telegram پاراقشاسىندا جازدى، دەپ حابارلايدى قازاقپارات.
«ۇلتتىق كەڭەس مۇشەلەرىنىڭ ۇسىنىسى بويىنشا الداعى وتىرىستىڭ كۇن ءتارتىبى ادامي كاپيتالدى دامىتۋ، اتاپ ايتقاندا ءبىلىم سالاسىن دامىتۋ ماسەلەلەرىنە ارنالادى» دەپ جازادى ەرلان قارين. اقپان ايىنان بەرى ۇلتتىق كەڭەس مۇشەلەرى ەلدەگى ءبىلىم جۇيەسىن دامىتۋ بويىنشا ۇسىنىستار مەن كەڭەستەردى قاراستىرىپ كەلەدى. ونىڭ بارلىعى الداعى وتىرىس بارىسىندا تالقىلانادى.
